Ndwen neix 13 daengz 17 hauh, Gvangjsih Gih Minzveij (cunghgyau) hidungj ganbu yenzsiuhbanh youq Cunghyangh Minzda gawjbanh. Miz 45 boux lingjdauj ganbu daj Swcigih Minzveij、Swcigih Cunghgyaugiz、Swcigih Minzyijveij caeuq daengx gih 14 aen si minzveij、cunghgyaugiz、minzyijveij daeuj haenx camgya le yenzsiuhbanh hagsib. Gih Minzveij cujyin Luz Yenbenj、fucujyin Vangz Cigen、gijgenj cujcangj Siuh Siengzvaz caeuq Swcigih Cunghgyaugiz gizcangj Liengz Liujningz daengj lingjdauj hix dangguh hagseng camgya le hagsib.

Baez yenzsiuhbanh neix iucingj le Gozgyah Minzveij、Cunghgoz Sevei Gohyozyen、Cunghyangh Minzcuz Dayoz caeuq Bwzgingh Lijgungh Dayoz daengj 8 boux conhgyah daeuj gangjgoq. Baez yenzsiuhbanh neix, youh dwg Gvangjsih Minzveij(cunghgyau) hidungj caeuq Cunghyangh Minzcuz Dayoz baez daih’it doxgap gawjbanh, hix dwg Gvangjsih Minzveij (cunghgyau) hidungj baez daih- it caeuq guekgya gaep gauhyau lienzhab guh ganbu beizyin. Luz Yenbenj cujyin youq gwnz gezyez denjlij naeuz:“Raeuz aeu mboujduenh gyadaih roengzrengz doiq minzveij (cunghgyau) hidungj ganbu beizyin, damqra caeuq cauxmoq beizyin mosik, mboujduenh daezsang minzveij (cunghgyau) hidungj ganbu cwngcwz suijbingz、lijlun suijbingz caeuq gunghcoz naengzlig, vih guh ndei hong minzcuz (cunghgyau) Guengjsae caep roengz giekdaej ndei.”

(Maj Civaz doz/faenz)