11 nyied 27 hauh, Denhngoz Yen gawjhengz angqhoh Bazlaz Yauzcuz Yangh laebbaenz 30 hopbi hozdung. Swcigih Minzveij cuzhodonz caeuq Hozciz Si、Denhngoz Yen daibyaujdonz camgya le angqhoh daihhoih. Bazlaz Yangh dwg Denhngoz Yen aen Yauzcuz Yangh dog ndeu. Daengx yangh miz 9 aen hingzcwng cunh, 292 aen cunhminz siujcuj, 22534 gyaeujvunz, cujyau miz Yauz、Gun、Cuengh、Mauznan daengj minzcuz cabyouq, saujsu minzcuz miz 6953 gyaeujvunz(Yauzcuz gyaeujvunz 4319 boux), ciemq daengx yangh gyaeujvunz cungjsoq 35%. Gaenh geij bi daeuj, aen yienh neix genhciz aeu minzcuz doxgiet daeuj coicaenh sevei doxhuz, dawz coicaenh minzcuz ginghci fazcanj caeuq sevei cinbu dangguh gvancez minzcuz cwngcwz dangj raeuz、veizhu minzcuz doxgiet cinbu guh gienh saeh daih’it daeuj ca ndei, aeu fazcanj swnghdai daegsaek ndaemciengx canjyez guh dingjcengj, byaij ok le diuzloh duet gungz baenz fouq ndeu. 2013 nienz, Bazlaz Yauzcuz Yangh sevei swnghcanj cungjciz dabdaengz 7702 fanh maenz, nungzminz bingzyaenz moix vunz souhaeuj dabdaengz 4052 maenz, gonqlaeng aeundaej “it mbanj it aen binjbaiz” sifan yanghcin、“diegbya yinzcuz yinjsuij gunghcwngz daveican senhcin cizdij”、“aen mbanj roek veh gaeqdoengh” daengj lai aen cwnghauh miznaj, dwg fouz goenghaih lwgmak swnghcanj gihdi Guengjsae, “mbanjranz lwgmak” diuz mingz neix riuzmingz daengx gih gak dieg.

(刘晓军 图/文)

天峨庆祝八腊瑶族乡成立周年

30