Hojgoh mboujdanh ndei gwn, caemhcaiq miz haujlai vwnzva gwnndoet neihanz youq ndawde dem.

Gwn hojgoh yienznaeuz feihdauh ndei, hoeng mwh gwn seiz aeu haeujsim veiswngh, caemhcaiq gangj gohyoz. It senj liuh aeu singjsien, mienxndaej fatseng gijgwn dengdoeg; ngeih aeu gaem ndei leizfeiz, danghnaeuz gijgwn youq ndaw hojgoh goenj nanz lai, yingzyangj cwngzfwn couh deng buqvaih, feih mbouj singjsien; danghnaeuz raemx caengz goenj couh gwn, youh yungzheih yinxhwnj conghsaej baenzbingh. Linghvaih, gwn hojgoh seiz gaej gwn raemxdang daiq ndat, mboujnex nemmuek conghbak caeuq saihoz yungzheih deng logsieng.