Bonjbauq siusik (gicej Mungz Sugij) Aen vanjvei geiqniemh minzcuz gihyiz swcifaz fatbouh saedhengz 30 hopbi youz Swcigih Minzveij cawjbanh, Gvangjsih Sawcuengh Yozyau、Gvangjsih Minzcuz Cunghdwngj Conhyez Yozyau、Gvangjsih Minzcuz Gauhcungh cwngzbanh haenx 11 nyied 7 hauh youq Vujmingz Yen gawjbanh. Swcigih Minzveij、Swcigih Minzyijveij cujyin Luz Yenbenj cienmonz fat saenqdinj hawj yozyau lingjdauj, caensim hoh vwnzyi vanjvei banh ndaej baenz. Luz Yenbenj vixok, guhbaenz aen minzcuz yozyau mienhyiengq daengx gih ciusou hagseng caemhcaiq yiengjsouh minzcuz cwngcwz ndeu, gagnyienh guh geiqniemh minzcuz gihyiz swcifaz tatbouh saedhengz 30 hopbi hozdung, neix dwg gij gidij dijyen nyinhcaen hagsib gvancez Cunghyangh caeuq Swcigih minzcuz gunghcoz veiyi cingsaenz, neix youhcaiq cwngmingz hagdangz lingjdauj banhswj caeuq lauxsae hagseng cwngci giendingh maenhndaet, gunghcoz haenqrengz caemhcaiq miz cozveiz, ndigah cigndaej haengjdingh nem byaujyangz.

Daengx aen vanjvei miz foux Myauzcuz、gofoux Veizcuz、Dungcuz、Mauznanzcuz、Bouxcuengh daengj 10 geij aen cezmuz, cungj gig miz minzcuz daegsaek, ndaw vanjvei lij guh minzcuz gihyiz swcifaz cihsiz camdap dem, sawj daengx aen vanjvei nauhyied raixcaix.

Swcigih Minzveij fusinzsiyenz Veiz Cigenh, Swcigih Minzveij、Swcigih Minzyijveij mizgven cusiz bouxlingjdauj nem yozyau lauxsae hagseng daengj 1000 lai vunz yawjngonz le vanjvei.