11 nyied 6 hauh, Cungzcoj Densidaiz aen lanzmuz《Sinhvwnz Vahcuengh》cingqsik haibo, aen lanz- muz neix dwg aen densidaiz neix aen lanzmuz daih’it aeu Vahcuengh dangdieg daeuj bo. Neix dwg gih raeuz gij densidaiz disi gaep haibanh daih- it aen densi lanzmuz Vahcuengh, neix hix dwg aen si neix gvangjbo、densi miz gij cezmuz sinhvwnz Vahcuengh caez lo.

Aen lanzmuz neix aeu Vah- cuengh baihnamz(Vahcuengh Lungz- couh) daeuj bo, moix geiz cezmuz 10-15 faen cung, bo ok cwngcwz、ginghci、vwnzva、minzswngh daengj, moix cou singhgiz it daengz singhgiz haj banhringz 13 diemj 15 faen youq cunghab binzdau bo ok. Vih hawj cezmuz lai mizyinx lai miz yingjyangj, aen lanzmuz neix gyoebcomz lai cungj sinhvwnz swhyenz, yungh doz、sing、saw daengj lai cungj hingzsik, bo ok ndaw si gij vwnzva Bouxcuengh miz daegsaek de, bo ok vunzlai haenqrengz guhhong roengzrengz fazcanj ginghci, neix hawj aen lanzmuz neix baenz giz lwnh saehmoq daeuz hawj vunzlai haengjgyaez mizyinx ndeu.

(Cungzcoj Minzyijveij/崇左民语委)