Sam boux vunzak vunzguhnaz Cauzsan daengz Canghvuz Yen Sizgyauz Gunghse Cuzveiz Swngh- canjdui le, ndaem ndaej 2 moux 7 faen nazyienghbanj. Gyoengqde sijsaeq son gij dinfwngz dajndaem, naihsim gangj gij dauhleix dajndaem hawj gij seyenz gaenban haenx. Miz ngoenz ndeu ndaemnaz, mbwn nitsizsiz, banringz youh fwn doek, gij hauxseng gaenban haenx naeuz: “Fwn doek lo, ngoenzcog caiq guh goj mbouj ceiz!” Saefouq Cauzsan naeuz: “Mbouj baenz!” Lij gangj le sam diuz leixyouz hawj gyoengqde: Daih’it, gij go’gyaj ngoenzneix yut ndaej haenx, ngoenz- neix mbouj ndaem, caj daengz ngoenzcog cij bae ndaem ne cix rox sieng gij yienzheiq go’gyaj; daihngeih, gaiq naz ndeu dangngoenz ndaej ndaem doh, go’gyaj cij maj ndaej caezcup, cij baenz ndaej doengzseiz, mboujnex cix camjca mbouj caez, yingjyangj canjliengh; daihsam, ndaemnaz gangj geiqciet, danghnaeuz baez bungz fwn doek couh mbouj ndaem lo, seizlawz cij ndaem ndaej liux! Gij hauxseng gaenban haenx simfug bakfug, gig souh gyauyuz. Miz mbangj seyenz nyinhnaeuz, vat luengq baiz guenq dwg sai naz. Gyoengqde naeuz:“Yienghneix guh mbouj dwg sai naz. Mbouj vat luengq, raemxnaz guenqlinz guenqdumh, namh goj gyoet, youh sai bwnh. Vat luengq le, ngaih baiz ngaih guenq, youh ndaej baujraeuj baujbwnh, youh ndaej ndaemraemx guenqgaiq, baiz raemx dak naz.” Seyenz rox gijneix cungj dwg gij cosih youqgaenj demcanj haenx le, cungj haengj bae hag. Gij saefouq dajndaem Cauzsan ndaem liux gij nazyienghbanj le, ndwen lai le go’gyaj heuyauyau, maj ndaej caezcupcup. Daihgya cungj gig saenqfug gij dinfwngz ndaemnaz gyoengqde.

Bozbwz Yen Fusanh Gunghse miz aen swnghcanjdui ndeu heuhguh Cuzveizdangz Swnghcanjdui, gaijfang goxgonq mbouj guh gvaq suijli, vunzlai bonjdieg naeuz: “Haeuxcaeux 8 daeuj, haeuxlaeng 2 sig, vuenheij yaek dai.” Gaijfang le guh ndaej Sanhdangz Suijgu, bi 1963 mouxcanj ndaej 535 gaen. Bi 1964, doigvangq cehndei, dem coq bwnh linzfeiz、danfeiz, mouxcanj ndaej 856 gaen. Gyoengqde laihnaeuz, yienghneix cix suenq dwg dingj lo, caiq siengj swng hwnjbae, nanz gvaq yien vaiz hwnj faex. (caengz sat)