●Bineix, Cungzcoj Si 7 aen yienh(si、gih) caeuq Cunghgvangj Gozci Lajmbanj Denyingj Yensen (Bwzgingh) Youjhan Gunghswh doxgap, daengz nienzdaej guh baenz 100 aen denyingjyen lajmbanj. Daengzseiz, aen hanghmoeg den- yingj hawj vunzlai souh’ik neix engq ndei dwk hawj vunzlai dangdieg gvaq vwnzva swnghhoz lai habhoz raeuh bae.

(Couh Yizgangh)

●Dangqnaj, Duh’anh Yauzcuz Swciyen Minzcuzgiz gaenq fat sat le gij cienzngaenz bineix bangbouj hagseng saujsu minzcuz maenhndei ranz gig gungzhoj de, gungh fat 4.5 fanh maenz, ndawde gauhcungh- swngh 12 boux, moix boux 1000 maenz; dayozswngh 11 boux, moix boux 3000 maenz.

(Lanz Veingoj Veiz Ganliuz)

●Geij ngoenz gonq, Mungz- sanh Yen Yazyiz Yangh geij diuz roen doeng mbanj gaenq guh sat, baugvat gij roen doeng mbanj Yayiz daengz Luzsanh、Gauhleiz daengz Nwngzyouj nem roen Luzloz Cunh, gij roen neix gungh roengz 850 fanh maenz, seizneix gaenq doeng ci lo, neix mizyauq dwk hawj aen yangh neix 5 aen cunh 4000 lai boux Yauzcuz byaij roen fuengbienh.

(Liuz Gozvwnj)

●Daj bineix daeuj, Yungzsuij Myauzcuz Swciyen aeu“gunghswh+gihdi+nungzhoh”cungj mozsi neix, dazyinx nungzminz youq diegbya ndaem lwgmanh、lwggwz、lwgbieng daengj gij byaekgwn fanj geiqciet, hawj nungzminz lai sou. Dangqnaj, gaenq youq 7 aen yanghcin sawq ndaem gij byaekgwn neix 1.5 fanh lai moux, dan hangh neix, guj moix moux laisou 8000 lai maenz.

(Lungz Linzci)

●Daj bi’gvaq daeuj, Cauh- bingz Yen gaihcanj“daudwz gyangjdangz”hozdung, laeb baenz gak gaep gak loih daudwz gyangjdangz 64 aen, dazyinx ganbu ginzcung gag rox seveicujyi haedsim gyacizgvanh. Dangqnaj, aen hozdung neix gaenq gawjbanh 186 geiz, gyawj 2 fanh vunzbaez camgya.

(Liuz Feih)