(ciep geizgonq)
20
Daxboh sou mbouj meiz(miz) 你父亲过世
Gou siengj bae siengj dauq 我想来想去
Daeq sou cauh ciuhvunz 帮持家给你
Laemxsim souj ranz mwngz 横心守家里
Mboujliuh daengz ngoenzneix 不料到今日
Raemj faex bae gaz oen 砍树架荆棘
Mbouj gyaez meh cixbah 不爱娘也罢
Sou gaej ndaq vet gou 别绐我受气
Cij hab gou simsaeh 才合我心意
Daxboh sou mbouj meiz(miz) 你父亲过世
Gou siengj bae siengj dauq 我想来想去
Daeq sou cauh ciuhvunz 帮持家给你
Mbouj gangj heiq mbouj siu 不讲气不消
Vunz meiz mbouj geij sauh 人生醒几许
Gou cix caeux roengz ninz 我早早睡去
Laemxsim souj ranz mwngz 横心守家里
Mboujliuh daengz ngoenzneix 不料到今日
Raemj faex bae gaz oen 砍树架荆棘
21
Caenh meh okbae haq 赶妈改嫁去
Caez doiqnaj doxnaeuz 当面把话提
Mbouj vet sou beixnuengx 没骂你姐弟
Cix mbouj yungh ienuengj 莫给娘冤屈
Meh mbouj biengj ranz sou 妈没掀屋基
Gaej naeuz gou mbouj dwg 莫讲我不是
Sou aeu sim doxbeij 你将心相比
Guh yienghneix fouzcingz 这样无情理
Gou aensim mbouj yax 我心真不服
Caenh meh okbae haq 赶娘改嫁去
Caez doiqnaj doxnaeuz 当面把话提
Mbouj vet sou beixnuengx 没骂你姐弟
Boh sou dai daengz neix 你父死至今
Yienghyiengh seih gou conz 样样存给你
Lau gyabonj sou byoengq 怕家体破产
Cix mbouj yungh ienuengj 莫给娘冤屈
Meh mbouj biengj ranz sou 妈没掀屋基
Gaej naeuz gou mbouj dwg 莫讲我不是
22
Yaek yienghlawz guh meh 要我怎当妈
Yienghyiengh vez hawj sou 样样为你拿
Lij naeuz gou maz Youj 忧还讲我差
Boh dai dwg gou you 父死我持家
Caenh lau sou mbouj maj 担心你不长
Lau lwggyax gwnvi 怕孤儿亏大
Dag simdaeuz sou ba 摸你心头吧
Buhrog vaq baihndaw 外衣内裤衩
Miz bouxlawz faen geh 谁分一角麻
Yaek yienghlawz guh meh 要我怎当妈
Yienghyiengh vez hawj sou 样样为你拿
Lij naeuz gou maz Youj 忧还讲我差
Gou gwn haemz gwn hoj 我吃苦吃辣
Laih lwg goj rox gyaez 以为儿爱妈
Yienghyiengh ndaej hawj sou 样样做给你
Boh dai dwg gou you 父死我持家
Caenh lau sou mbouj maj 担心你不长
Lau lwggyax gwnvi 怕孤儿亏大
23
Lwg caenh meh doxok 儿赶娘出门
Bae cix biek cien nienz 一去千年分
Niemh hixcienz cij ndaej 念以前情分
Sou caenh vaiz hwnj faex 赶牛树上奔
Gou vutheiq lailai 我实太怄气
Cingznyienh dai cixbah 宁愿死归阴
Yienznaeuz doengz yienghneix 虽然这样恨
Cog sou ngeix goj daengz 将来会想跟
Lij gyaez mwngz caengz cok 爱你还不够
Lwg caenh meh doxok 儿赶娘出门
Bae cix biek cien nienz 一去千年分
Niemh hixcienz cij ndaej 念以前情分
Lwnh cietheiq cietyiengh 无论哪节日
Gou cungj siengj mbouj yienz 我都想你们
Mboujyungh muenz diendeih 不瞒天地恩
Sou caenh vaiz hwnj faex 赶牛树上奔
Gou vutheiq lailai 我怄气十分
Cingznyienh dai cixbah 宁意死归阴
24
Niemh cien nienz fanh goj 念千年万代
Dangh mwngz rox aencingz 若你知情怀
Aeu sim gingq cix doiq 用心敬才对
Cietheiq ma guhdoih 节日聚一块
Raen sou ndoiq lwgdaeuz 见你们姐弟
Ndawsim gou cix angq 我心乐开怀
Cog gou dai gvaq haeuh 他日我死后
Muengh vanjhaeux cuengq daengz 盼碗饭祭拜
Muengh aen’daeng rongh loh 盼盏灯照路
Niemh cien nienz fanh goj 念千年万代
Dangh mwngz rox aencingz 若你知情怀
Aeu sim gingq cix doiq 用心敬才对
Langh sou goj rox leix 若你们知礼
Cog cix geiq bae cunz 记得巡访来
Caeuq mwngz doengz doxhoih 同你喜相会
Cietheiq ma guhdoih 节日聚一块
Raen sou ndoiq lwgdaeuz 见你们姐弟
Ndawsim gou cix angq 我心乐开怀
25
Daengq gak boux guh beix 嘱各位兄长
Gou mbouj seih vunzvaih 我不是坏人
Haemh ninz lai hoih siengj 夜睡慢思量
Baezlaeng gou mbouj guenj 现我管不上
Sou doenghyiengh lij miz 你还有家当
Cingj gyauq di (de) guhsienh 教积德行善
Lij miz gou seizneix 过去我当家
Lwg mbouj beij doengz vunz 儿比人不上
Raeuz caez yaeng hix heih 共商也容易
Daengq gak boux guh beix 嘱各位兄长
Gou mbouj seih vunzvaih 我不是坏人
Haemh ninz lai hoih siengj 夜睡慢思量
Gangj duhgou baihnaj 我前途难卜
Bienq baenz max rox lawz 变成马驴样
Cog yienghlawz dajsuenq 将来再打算
Baezlaeng gou mbouj guenj 现我管不上
Sou doenghyiengh lij miz 你还有家当
Cingj gyauq di (de) guhsienh 教行善高尚
26
Aemq baihnaj baihlaeng 后背前又抱
Lij naeuz caengz gyaez sou 还讲爱不到
Caengz aeu coenz ndeu ndaq 没骂没嚎叫
Gou daeuj Ranzmungz haq 蒙家既嫁到
Lwnh hongnaz hongreih 无论天地活
Cungj gwed cae daengjgonq 扛犁在前跑
Meh ndei rox meh doeg 好妈或毒娘
Caengz vat lwg saek baez 没骂一声高
Mbouj gyaez vunz hix raen 爱否人知道
Aemq baihnaj baihlaeng 后背前又抱
Lij naeuz caengz gyaez sou 还讲爱不到
Caengz aeu coenz ndeu ndaq 没骂没嚎叫
Vih swnjciuh Ranzmungz 为蒙家传宗
Cix daeuj rungx doengzsou 才来管来抱
Dauq haih gou daengz laj 反讲我不好
Gou daeuj Ranzmungz haq 蒙家既嫁到
Lwnh hongnaz hongreih 无论天地活
Cungj gwed cae daengjgonq 扛犁在前跑
(caengz sat)
缩小
默认
