●10 nyied 14 hauh daengz 18 hauh, Majsanh Yen gawjbanh minzcuz cwngcwz caeuq minzcuz vwndiz yenzgiu ciendaez beizyin- banh, doenghboux ganbu saujsu minzcuz gak yangh (cin) nem gihgvanh ndaw yienh、giyez nem swyez danhvei, yienh minzcuzgiz mizgven lingjdauj ganbu gungh 50 vunz camgya beizyin.

(Danz Gveilanz)

●Daengz 9 nyied daej, Nazboh Yen gungh ciep hekyouz 35.28 fanh vunzbaez, lijyouz cungjsouhaeuj ndaej 2.55 ik maenz, sang gvaq caemhseiz doenghbaez.

(Lungz Yici)

●10 nyied 17 daengz 23 hauh, Bwzswz Si Yougyangh Gih Vanghden Yauzcuz Yangh、Denzdungh Yen Cozdwngh Yauzcuz Yangh、Lingzyinz Yen Lingzcan Yauzcuz Yangh daengj 13 aen minzcuzyangh faenbied gawj- hengz laeb yangh 30 hopbi angqhoh hozdung.

(Cinz Yicungh)

●Geij ngoenz gonq, Sanhgyangh Dungcuz Swciyen miz song hangh feihyiz (minzsuz)（baebo Laujbah nem dajyouzcaz Dungcuz）ndaej lied haeuj daihhaj buek swcigih gaep feihvuzciz vwnzva yizcanj daibyauj- sing hanghmoeg mingzloeg. Daengz seizneix, aen yienh neix gaenq miz 12 hangh ndaej lied haeuj swcigih gaep feihyiz mingzloeg.

(Gungh Bujgangh)

●Dangqnaj, gij cienz- ngaenz Swcigih Minzveij 2014 nienz bangcoengh Bingzgvei Gvanjlijgih 5 boux hagseng saujsu minzcuz maenhndei ranz gig gungzhoj de gaenq cienzbouh fat daengz ndaw canghau gyoengq hagseng neix, gungh fat 9000 maenz.

(Vangz Ligenh)