10 nyied 23 hauh, Mungzsanh Yen Cangzbingz Yauzcuz Yangh youq henz giuzndojfwn gawjbanh vwnzyi yienjok hozdung, 3000 lai boux Yauzcuz、Bouxgun daengj doxcomz giz ndeu, doengzcaez angqhoh laeb yangh 30 hopbi. Ndawde, aen yangh neix dawz ndangdaenj minzcuz gaij baenz yiengh seizhwng, gya haeuj doenghyiengh ciuhneix, hawj mozdwz daenj hwnj ndang bae, neix hawj ndangdaenj minzcuz gaeuqgeq lai depgyawj vunzlai, bouxyawj haenh ndei raixcaix. Ndaw doz dwg doenghboux mozdwz daenj ndangdaenj minzcuz gig ndeiyawj de baijyienj hawj vunzlai yawj. (Vangz Haijfungh/黄海峰 ingj)