●10 nyied 17 daengz 21 hauh, daihhaj gaiq daengx guek cingh saunenz minzcuz yozgi byaujyenj doxdax youq Gvangjsih Yisuz Yozyen gawjhengz, gak cuj doxdax ndawde cungj bingz ok gimciengj boux ndeu、ngaenzciengj 2 boux、dungzciengj 3 boux. Baez hozdung neix youz Vwnzvabu、Swcigih Yinzminz Cwngfuj cawjbanh.

(Liuz Yi)

●10 nyied 18 hauh, Liujcouh Sanggi Dunghyung Vujlingz Gungh- swh daengz Sanhgyangh Dungcuz Swciyen, soengq 4 fanh lai maenz ciengjyozginh hawj Sanhgyangh Cunghyoz aen ban Vujlingz lici(sawj vunz haenqrengz) 100 lai boux lauxsae nem hagseng, caemhcaiq soengq 31 aen dennauj nem buek doenghyiengh hagsib yungh ndeu.

(Gungh Bujgangh)

●Seizcou, Sanhgyangh Dung- cuz Swciyen Liengzgouj Yangh Hozlij Cunh boux baenzfouq ak Yangz Veigvangh dajndaem 80 moux ngaeux ndaej fungsou, moix moux ndaej cehmbu 3000 daengz 5000 aen, dan cehmbu moix moux canjciz ndaej 4000 maenz baedauq.

(Yangz Mingz Gungh Buj- gangh)

●10 nyied 18 hauh, Lingzyinz Cauzlij Yauzcuz Yangh gawjhengz daihhoih angqhoh laebbaenz 30 hopbi, daengx yangh gyawj fanh boux Bouxcuengh、Bouxgun、Yauz- cuz daengj doxcomz giz ndeu, guh haujlai hozdung angqhoh aen yangh neix laebbaenz 30 hopbi.

(Vangz Yenzyungz)

●Daj 1 nyied gvaqdaeuj, Bingzgoj Yen moix ndwen bingzyaenz bouj 230.8 maenz hawj moix boux ndaej cwngzcin dihbauj de, bouj 96.6 maenz hawj lajmbanj moix boux ndaej dihbauj de. 1 daengz 6 nyied, aen yienh neix gungh bued cienzngaenz bouj dihbauj 3158 fanh maenz, bauj gyoengq vunz ndaej dihbauj de gvaq ndaej ndei.

(Vuz Anhginh)