10 nyied 17 hauh banhaet, aen hoih codanzvei geiqniemh《Cunghvaz Yinzminz Gunghozgoz Minzcuz Gih- yiz Swcifaz》fatbouh saedhengz 30 hopbi youq Yinzminz Daveidangz gawjhengz. Cunghgung Cunghyangh Cwngcigiz cangzveij、Daengx Guek Yinzda Cangzveijvei veijyenzcangj Cangh Dwzgyangh camgya.

Youq gwnz hoih, Cunghgung Cunghyangh Cwngcigiz veijyenz、Daengx Guek Yinzda Cangzveijvei fuveijyenzcangj Lij Gengoz gangjvah. De naeuz, hai baez hoih neix, geiqniemh《Minzcuz Gihyiz Swcifaz》saedhengz 30 hopbi, couhdwg aeu nyinhcaen hagsib nem gvancez gij cingsaenz gvendaengz vah Siz Ginbingz cungjsuhgi youq cungh- yangh minzcuz gunghcoz veiyi gangj de, dauqyawj minzcuz gihyiz swci cidu laebbaenz nem fazcanj ging- gvaq, cungjgez 《Minzcuz Gihyiz Swcifaz》saedhengz gingniemh, cienzmienh gvancez minzcuz cwng- cwz dangj raeuz, genhciz nem caezcienz minzcuz gihyiz swci cidu, comz gij rengz gak minzcuz doxgiet, haenqrengz saedyienh siengjmuengh Cungguek.

Cunghyangh Dungjcanbu、Cenz Goz Yinzda Minzcuz Veijyenzvei、Guekgya Fazcanj Gaijgwzveij、Guekgya Minzveij、Swhfazbu、Daengx Guek Cwnghez Minzcuz Nem Cunghgyau Veijyenzvei caeuq Sinh- gyangh Veizvuzwj Swcigih、Sihcang Swcigih Yinzda Cangzveijvei, doenghboux fucwz gij bumwnz neix faenbied gangjvah. Miz mbangj dungzci geq gaenq dang gvaq Daengx Guek Yinzda Cangzveijvei、Daengx Guek Cwnghez lingjdauj, doenghboux fucwz cunghyangh nem guekgya gihgvanh mizgven bumwnz、5 aen swcigih nem mizgven swngj si yinzda cangzveijvei, doenghboux daibyauj saujsu minzcuz daengj 120 lai vunz camgya baez codanzvei neix.

(Cuih Cinghsinh/崔清新)