Seizcou haethaemh aenmbwn bienqvaq daih, vunzraeuj yungzheih deng huhgizdau ganjyenj caeuq baenzsiq daengj bingh. Lwgnding caeuq nyeziq aenvih conghndaeng caengz hwnj bwn, nemmuek ndaw conghndaeng lij unq, sailwed congh- ndaeng lai, aenndang rengz dingj bingh haemq daemq, engq yungzheih ganjyenj baenzbingh. Ndigah, wng- dang henhoh ndei lwgnyez.

1、Noix bae giz vunz lai guhcaemz. Mwh riuzhengz baenz- bingh hoengh seiz, wng caenhliengh noix daiq lwgnyez bae giz vunz lai guhcaemz, daegbied dwg giz vunz ndaet、giz doeng rumz mbouj ndei, wng noix daiq lwgnyez bae cunz.

2、Gibseiz bang lwgnyez dem gemj buhvaq.

3、Lai hawj lwgnyez gwn raemx.

4、Guh ndei yawhfuengz ciep- cungj. Ndaej hawj lwgnyez gwn lunzcang bingduz yizmyauz, hawj lwgnyez noix baenzsiq.

5、Guh ndei lwgnyez baujgen veiswngh sibgvenq. Baugvat congh- ndaeng、conghbak、daengx ndang naengnoh seuqsak, daegbied aeu ciengzseiz swiq fwngz, baujciz cik- fwngz veiswngh.

6、Baujciz ndaw rug vanzging caeuq hoengheiq seuqsak. Moix ngoenz dinghgeiz hai cueng doeng rumz, moix ngoenz hai cueng doeng rumz 2 daengz 3 baez, moix baez 20 daengz 30 faen cung.

7、Baujcwng gwndaenj miz gvilwd caeuq ninz gaeuq. Lwgnyez ngoenznaengz cujyau gwndaenj bau- gvat gwnndoet、 guh’angq、 ok haex- nyouh caeuq ninz, naengh anbaiz ndaej ndei, ndaej hawj ndang lwgnyez lai dingj ndaej bingh.

8、Habdangq lienhndang, dem- giengz aenndang rengz dingj bingh naengzlig. Ngoenznaengz hawj lwg- nyez ok rog ranz bae lienhndang 2 diemj cung doxhwnj.

9、Hableix gwn doxgaiq. Mwh bwnq lwgnyez gwn doxgaiq seiz, aeu miz lai cungj lai yiengh、bijli habngamj、dinghseiz dinghliengh、diuzboiq ndaej ndei. Baugvat ngoenz- naengz miz danbwzciz、youzlauz、gak cungj veizswnghsu caeuq gvangvuzciz cukgaeuq.

Gyonj daeuj gangj, cawjranz aeu yawjnaek baujhoh lwgnyez fuengfap, hableix hoh ndei de, yienghneix cijndaej baujcwng lwgnyez ndangdaej gengangh, lwgnyez cij maj ndaej ndei.