Seizcou mbwn hawqsauj, gwnndoet mbouj ngamj rox hawj vunz okyienh naengbak dekleg、conghndaeng ok lwed、naengnoh hawqsauj daengj hwnjhuj yienhsiengq. Ndigah, cawjranz aeu hawj lwgnyez lai gwn di gijgwn nyinh sauj seng raemx、siu ndat gejdoeg caeuq lwgmak byaekheu he, lumj lauxbaeg nding、lwgfaeg、raetngaenz、ngaeux、gyoijhom、makbug、oij、lwgndae daengj, noix hawj lwgnyez gwn coeng、hing、lwgmanh daengj doxgaiq. Linghvaih, aeu hawj lwgnyez lai gwn raemxgoenj, lij ndaej aeu makleizsezliz roxnaeuz naeng makbug daeuj baek hawj lwgnyez gwn, yienghneix ndaej nyinh bwt dingz ae、cangq mamx sek dungx.