Seizcou mbwn hawqsauj, mbangj vunz yungzheih baenz naengbak dek, caemhcaiq lau raurumz、gwn haeux dem. Canghyw genyi naeuz, aeu gaijbienq gij sibgvenq rwix neix bae, haeujsim hohleix fuengfap, guh ndei gwndaenj diuzleix.

1、Gaij gij sibgvenq riz naengbak bae. Seizcou mbwn hawqsauj, naengnoh bouxvunz couh gamjdaengz raemx noix, yied riz naengbak, naengbak yied dekleg youqgaenj. Baenz naengbak dek seiz gimq yungh gij yazgauh hamz fuz haenx.

2、Guh baenz dinghgeiz nunaenx naengbak aen sibgvenq neix. Dinghgeiz nunaenx naengbak, ndaej bangcoh caeuq gig mbangjgiz lwed lae baedauq. Fuengfap dwg: Yungh lwgfwngzmeh caeuq lwgfwngzgyang nep dawz naengbak, lwgfwngzgyang mbouj doengh, ciepdaeuj yungh lwgfwngzmeh yaengyaeng nunaenx naengbak, doeklaeng yiengq doxfanj fuengyiengq miz cezcou dwk nunaenx naengbak gwnz caeuq naengbak laj. Moix ngoenz fanfoek geij baez.

3、Led cwnzgauh hoh naengbak. Gyang- ngoenz led yincwnzgauh, gyanghaemh yaek ninz seiz led fanzswlinz.

4、Lai gwn byaekheu、lwgmak, lai gwn gijgwn hamz veizswnghsu B2 caeuq gijgwn hamz veizswnghsu A lai haenx, lumj makleiz、lwgcid daengj, bingzseiz hix aeu cawjdoengh gwn di raemxgoenj he. Youq canghyw yinjdauj lajde, bouj gwn di veizswnghsu he dem.