Daih’it, liuzganj dwg cungj binghlah ndeu, daezsang bonj- ndang menjyizliz dwg aen gvanhgen fuengz gak cungj binghlah haenx. Daezsang bonj- ndang menjyizliz baugvat ndaw rug ngoenznaengz sibgvenq caeuq habdangq guh di dijyuz lienhndang ndeu, lumjbaenz ngoenznaengz aeu baujciz ninz gaeuq、hableix gwnndoet、ciengz- seiz ok rog ranz bae hozdung daengj; ngeih dwg guh ndei hong yawhfuengz liuzganj. Yizmyauz ndaej mizyauq dwk gyangqdaemq riuzhengz baenz liuzganj, guek raeuz baihbaek moix bi 10 nyied daengz bi daihngeih 4 nyied dwg aen geiqciet baenz binghlah ndeu, hoeng, gyoengqvunz cix mbouj bae yawjnaek ciepcungj yizmyauz, ciuq dungjgi, dangqnaj guek raeuz yizmyauz ciepcungjliz mbouj daengz bak faenh cih it, bineix seizdoeng daengz bimoq seizcin, wng cujyau yawhfuengz gyaz 3 hingz liuzganj, dajcim yizmyauz yawhfuengz hix wnggai aeu yawhfuengz gyaz 3 hingz neix guhcawj; daihsam, liuzganj binghcingz wnggai caeux fatyienh caeux yw. Haujlai vunz mbouj dawz dwgliengz dang bingh daeuj yawj, liuzganj caeuq bujdungh siengfung dwgliengz miz di doxlumj, yungzheih deng lawq bae. Ndigah, ceiq ndei dwg gibseiz bae yihyen genjcaz. Linghvaih, hix ndaej bwh miz roxnaeuz sawjyungh di yw dingj binghdoeg ndeu louzce bwh yungh.