Seiq gouj nienz gaijfang，

Vunzlai angq lumjmaz；

Gungcanjdangj cingz na，

Yinx raeuz ma hwnj loh.

Lajmbanj gauj dujgaij,

Byaij seveicujyi;

Daezsang swnghcanjliz,

Gwndaenj ndi hwnjdaeuj.

Gensez yendaiva,

Caemhcaez ma okrengz;

Reihnaz daihgya geng,

Ceng aeu guh oksaek.

Hengz gaijgwz gaihfang,

Ndwn sang yawj seiqgyaiq;

Ginghci fazcanj vaiq,

Byaij roen’gvangq bae nyaemz.

Gaijgwz aeu haeujlaeg,

Rapnaek dawz gwnzmbaq;

Hangznieb caez hai va,

Vih guekgya okrengz.

Gaihfang 36 nienz,

Guekgya bienq maenh’ak;

Haeuxbyaek ngaenzcienz fag,

Gak cuz caemh huzndei.

Cungguek miz daegsaek,

Yaek doxhuz fazcanj;

Ciengxliengx mbouj hengzmanz,

Gvansim fwx mbefat.

Siengjmuengh cungguek raeuz,

Cunghvaz aeu fukhwng;

Baengh raeuz song fajfwngz,

Dingh naengz guh ndaej lig.

Laeb dangj daengz bak bi,

Raeuz hix haeuj siujgangh;

Laeb guek bak bi sang,

Siengjmuengh angq saedyienh.

Cib nyied vamoiz langh,

Dangj dazyinx ndaej ndi;

Ceih guek 65 bi,

Gizgiz bienq ndaej hoengh.