●9 nyied 18 hauh, Vuzcouh Si Giveij、Si Gyauyuzgiz daengz Mungzsanh Yen Yayiz Yauzcuz Yangh minzcuz yozyau guh giensoengq simgyaez banghag hozdung, soengq 17 daiz dennauj hawj aen yozyau neix, caemhcaiq cigsoh soengq buek daehsaw、bigibwnj daengj hongdawz hagsaw hawj hagseng.

(Gvanh Sinh)

●Geij ngoenz gonq, bonj saw《Ndangdaenj Dungcuz》youz Sanh- gyangh Dungcuz Swciyen gyoengq cozgyah mehmbwk sij baenz de cingqsik okbanj fathengz. Bonj saw neix 12 fanh lai cih, 300 lai fuk doz, yungh 3 bi lai sij, gungh faen 8 cieng 25 ciet. Bonj neix daih’it baez dawz ndangdaenj Dungcuz faen baenz 2 loih 9 cungj 40 lai yiengh, cienzmienh baijok le baenzlawz guh baenz gij ndang- daenj Dungcuz.

(Gungh Bujgangh)

●Geij ngoenz gonq, Swcigih Sinhvwnz Cuzbanj Gvangjdengiz boiqsoengq 25056 bonj saw gungh dij ngaenz 47.34 fanh maenz de hawj Lozcwngz 58 aen ranzsaw nungzgyah, neix gig ndei dwk bouj gij soq saw ndaw ranzsaw nungzgyah aen yienh neix.

(Mungz Cwnghswh Veiz Sanyenz)

●Geij ngoenz gonq, Duh’anh Yauzcuz Swciyen comz ndaej 442 fanh maenz, fat cienzngaenz bangbouj ngoenzyungh hawj 153 aen cungh siuj yozyau 3686 boux lauxsae, hawj doenghboux lauxsae youq dieg bya guhhong de gvaq ndaej engq ndei.

(Lanz Fuzgvanh)