Geij ngoenz gonq, Dava Yauz- cuz Swciyen dingh’ok fangh’an, dajsuenq yungh sam seiq ndwen seiqgan, mienxfeiq hawj lajmbanj 6000 lai boux saujsu minzcuz guh lajmbanj saedyungh gisuz beizyin nem bouxsenjdieg vunzhong lawh hong、caux hong ginaengz beizyin. Gij lajmbanj saedyungh gisuz beizyin neiyungz miz: Dajndaem makhwz- dauz、 dajndaem gooij、siengmuengx ciengx bya daengj 4 hangh. Vunzhong lawh hong nem caux hong ginaengz beizyin baugvat dengungh、hangungh、coih gyahden、meijyungz meijfaz、hongranz fuzvu daengj 11 hangh. Doenggvaq beizyin, vunzlai saujsu minzcuz caenh’itbouh gaemdawz saedyungh gisuz, baenz doenghboux nungzminz moq rox gisuz、 ginaengz lai, daezsang ra hong nem caux hong naengzlig, hawj saedceij ndaej mboujduenh gaijndei.

Baez beizyin neix genhciz ciuq vunzlai ndawsim siengjnaemj bae guh, ceng’aeu guhdaengz “beizyin boux ndeu、daiqlingx buek ndeu、baenzfouq bang ndeu”.

(Vangz Vwnzboh/黄文波)