Byaekbohcai、lauxbaeg nding daengj lwgbyaek yawj hwnjdaeuj lumjbaenz gig buj- dungh gig bingzciengz, danh- seih de dauqfanj dwg cungj doxgaiq daegbied ndeu, gwn de ndaej bang vunzraeuz yawh- fuengz baenz binghhukngawz. Ngoenznaengz swnghhoz ndaw- de danghnaeuz miz cimdoiq dwk bae gwn cungj lwgbyaek neix, rox soundaej gij yaugoj vunzraeuz siengj mbouj daengz haenx bw.

Ciuq baudauj naeuz, Dwzgoz miz hangh yenzgiu moq ndeu ndaej rox, gwn byaek- bohcai ndaej bang vunzraeuz yawhfuengz baenz binghhuk- ngawz, gwn lauxbaeg nding caeuq makgingq hix miz doengzyiengh yaugoj. Byaek- bohcai、lauxbaeg nding caeuq makgingq, cungj hamz miz cungj dingj yangjva cozyung he, ndaej bang vunzraeuz vanjgaij baenz binghhukngawz.

Gohyozgyah byaujsi naeuz, yienghsiengq binghhukngawz bouxlaux baugvat: Lumzlangh、byaij bae coh gizlawz cungj mbouj rox、nanz nyonhrox mbangj doxgaiq. Cigciep baenzbingh yenzyinh baugvat: β-denfwnj danbwz daengj doxgaiq rom youq ndaw uk, hawj sibauh sinzgingh aen’uk nyieg- laux; sinzgingh cenhveiz doiq- vaq caeuq sinzgingh sawqmwh bungqdeng sied bae liux daengj. Ndigah, yangjva atlig gawq hanhhaed ndang vunz sup aeu yangjgi, hix rox hawj vunz haemq vaiq baenz binghhuk- ngawz.