(ciep geizgonq)
57
Haeuxcid caeuq haeuxciem 籼米和糯米，
Gij gyaqcienz doengzyiengh 价不分高低；
Mwngz siengj aeu cix gangj 你想要就讲，
Gou rau cang hawj mwngz 我量装给你。
De yienghneix gai gaeux 顺儿这样卖，
Mbouj miz bouxlawz yiemz 没有谁嫌意；
Haeuxcid caeuq haeuxciem 籼米和糯米，
Gij gyaqcienz doengzyiengh 价不分高低。
Mwngz daeuj cawx haeux gwn 你来买米吃，
Gou cix faen mwngz mbangj 我分你些许；
Mwngz siengj aeu cix gangj 你想要就讲，
Gou rau cang hawj mwngz 我量装给你。
58
Buzyiengz aeu daeuj haj 杨婆买斗五，
Lai hawj gvaq haj swng 多给她五升；
Faen hawj baz ma gwn 送给杨婆吃，
De rox cingz rox nyih 他讲义报恩。
Dingq ndaej gangjvah sing 听闻讲话声，
Dangq baenz rin (raen) gvaq naj 好像见过人；
Buzyiengz aeu daeuj haj 杨婆买斗五，
Lai hawj gvaq haj swng 他多给五升。
De yienghneix gai haeux 他这样卖米，
Caen dwg gaeuq doeng’yungz 通融不计本；
Faen hawj baz ma gwn 送给杨婆吃，
De rox cingz rox nyih 他讲义报恩。
59
Buzyiengz ma daengz ranz 杨婆回到家，
Simfanz youh gag ngeix 心烦自合计；
Daeuj gai haeux daeg neix 来卖米男子，
Hoengjlau seih (dwg) Sinhngeiz 像顺儿家里。
Langh mbouj miz gvanhaeh 倘若没关系，
Yawz faen ndaej haeuxsan 怎分给大米；
Buzyiengz ma daengz ranz 杨婆回到家，
Simfanz youh gag ngeix 心烦自合计。
Baz lwnh Goengyiuz naeuz 她告诉姚公，
Ndawsim gou gag ngeix 我心中自议；
Daeuj gai haeux daeg neix 来卖米的人，
Hoengjlau seih (dwg) Sinhngeiz 像顺儿家里。
60
Goengyiuz dingq baz gangj 姚公听她讲，
Raemxda langh baenz fwn 眼泪如雨下；
Ra Sinhngeiz mbouj raen找不到顺儿，
Couh vih mwngz sim doeg 因你心毒辣。
Dingq sing gangj goj haeuj 听声音可像，
Mbouj geiq gaeuj aenndang 忘记看身架；
Goengyiuz dingq baz gangj 姚公听她讲，
Raemxda langh baenz fwn 眼泪如雨下。
Gou bae mbouj geij naih 我去不多久，
Mwngz cix haih lwglinz 你害儿离家；
Ra Sinhngeiz mbouj rin (raen) 找不到顺儿，
Couh vih mwngz sim doeg 因你心毒辣。
61
Goengyiuz caeuq Dahlingz 姚公和达怜，
Couh hwnjdin bae ra 就动身去找；
Vih Buzyiengz ien’gya 为杨婆冤家，
Lwg mbouj ma raen boh 儿不见父老。
Baz sim doeg dangq mid 她心如匕首，
Yied ngeix yied siengsim 越想越气恼；
Goengyiuz caeuq Dahlingz 姚公和达怜，
Couh hwnjdin bae ra 就动身去找。
Sinhngeiz deuz ok rog 顺儿他出逃，
Doek baenz bat raemxda 眼泪落滔滔；
Vih Buzyiengz ien’gya 为杨婆冤家，
Lwg mbouj ma raen boh 儿不见父老。
62
Sinhngeiz raen daxbah 顺儿见阿爸，
Couh bae vax dawz umj 就伸手去抱；
Got boh youq ndaw rungj 把爸抱怀中，
Singhung daej doengh mbwn 哭声震天嚎。
Sinhngeiz ngamq ngonz raen 顺儿一看见，
Raemxda baenz fwnraq 眼泪如雨飘；
Sinhngeiz raen daxbah 顺儿见阿爸，
Couh bae vax dawz umj 就伸手去抱。
Sinhngeiz raen daxboh 顺儿见父亲，
Raemxda hoj cix roengz 苦泪流滔滔；
Got boh youq ndaw rungj 把爸抱怀中，
Daej singhung doengh mbwn 哭声震天嚎。
63
Docih dien caeuq deih 多谢天和地，
Bohlwg ndaej doxraen 父子得相见；
Ngamq gangj ndaej song coenz 刚讲两句话，
Raemxda doengz fwnraq 眼泪如雨线。
Gak vunz youq gak giz 各人住各方，
Ra geij bi daengz neix 找几年时间；
Docih dien caeuq deih 多谢天和地，
Bohlwg ndaej doxraen 父子得相见。
Bohlwg gij cingzngeih 父子的情义，
Goj deng geiq ndawsim 永记在心间；
Ngamq gangj ndaej song coenz 刚讲两句话，
Raemxda doengz fwnraq 眼泪如雨线。
64
Boh cam Sinhngeiz naeuz 父亲问顺儿，
Mwngz youq gyawz cauh mbanj 你在哪造村；
Gou okbae guhfanq 我出去贩卖，
Mwngz cix banh gvaq gyawz 你游到哪屯。
Goengyiuz ngonz gwnzgai 姚公看街上，
Miz baenzlai rap haeux 好多谷留存；
Boh cam Sinhngeiz naeuz 父亲问顺儿，
Mwngz youq gyawz cauh mbanj 你在哪造村。
Bohlwg ndaej doxraen 父子得相见，
Gvan sim’in youh danq 公叹息心痛；
Gou okbae guhfanq 我出去贩卖，
Mwngz cix banh gvaq gyawz 你游到哪屯。
65
Sinhngeiz lwnh Yiuzgoeng 顺儿告诉爸，
Youq ndaw ndoeng cauh mbanj 山弄造村寨；
Ranz gou youq Ligsan 我家在历山，
Miz baenz fanh cienzcaiz 有万贯家财。
Gou deuz daengz Ligsan 我逃到历山，
Cienz baengh gvan Cingungh 靠晋公关怀；
Sinhngeiz lwnh Yiuzgoeng 顺儿告诉爸，
Youq ndaw ndoeng cauh mbanj 山弄造村寨。
Vih baz sim mbouj ndei 后娘心不好，
Gou deuz bae lingh mbanj 我别村安排；
Ranz gou youq Ligsan 我家在历山，
Miz baenz fanh cienzcaiz 有万贯家财。
(caengz sat)
缩小
默认
