(ciep geizgonq)
30
Duzsien yw Sinhngeiz 神仙医顺儿，
Ndang dauq ndei hwnjdaeuj 身体康复快；
Byaij loh ndi ngiengxgyaeuj 走路不抬头，
Nyaenxheiq haeujma ranz 忍气回家来。
Mingh mboujcaengz dang cied 命尚未当绝，
Fangz caengz dued dawz bae 鬼未夺命牌；
Duzsien yw Sinhngeiz 神仙医顺儿，
Ndang dauq ndei hwnjdaeuj 身体康复快。
Gaicawq de mingh ndei 侥幸他命好，
Duzsien ei hwnjdaeuj 神仙医好来；
Byaij loh ndi ngiengxgyaeuj 走路不抬头，
Nyaenxheiq haeujma ranz 忍气回家来。
31
Buzyiengz raen Sinhngeiz 杨婆见顺儿，
Ndat dangq feiz ndaw cauq 恼怒似火烧；
Fwngz gaem bien couh sauq 手拿鞭就打，
Oiq laux raemxda roengz 老幼泪滔滔。
Ngamq ma daengz lajroq 刚回到巷子，
Baz couh rox mbouj ndei 后娘知不好；
Buzyiengz raen Sinhngeiz 杨婆见顺儿，
Ndat dangq feiz ndaw cauq 恼怒似火烧。
Haeujma daengz gyangding 回来到厅堂，
Baz haising couh nauh 杨婆开声闹；
Fwngz gaem bien couh sauq 手拿鞭就打，
Oiq laux raemxda roengz 老幼泪滔滔。
32
Naeuz Sinhngeiz mbouj hauq 讲顺儿不孝，
Ngoenz doeng lauh sae youz 逛东又逛西；
Gangj gawqgawq leixyouz 所谓的理由，
Cungj mbouj aeu dauhleix 都不讲道理。
Baz beizheiq mbouj ndei 她脾气不好，
Ndat dangq feiz ndaw cauq 似火烧心里；
Naeuz Sinhngeiz mbouj hauq 讲顺儿不孝，
Ngoenz doeng lauh sae youz 逛东又逛西。
Naeuz Sinhngeiz gikya 讲顺儿懒惰，
Gaiqmaz cungj mbouj you 什么都不理；
Gangj gawqgawq leixyouz 所谓的理由，
Cungj mbouj aeu dauhleix 都不讲道理。
33
Goeng’yiuz haeujma daengz 姚公回到家，
Gvan ngonzraen yienghneix 他见是这样；
Ndawsim cix gag ngeix 内心自思虑，
Maexyah neix doeg lai 此婆毒心肠。
Ndaejnyi sing lwg daej 听见儿哭声，
Baz hai faex daeuj raengx 娘就抽棍棒；
Goengyiuz haeujma daengz 姚公回到家，
Gvan ngonzraen yienghneix 他见是这样。
Ndaejnyi nauhgoengoen 听闻闹哄哄，
Cungj mbouj gwn dauhleix 总没道理讲；
Ndawsim cix gag ngeix 内心自思虑，
Maexyah neix doeg lai 此婆毒心肠。
34
Raen boh haeujma daengz 见父亲回到，
De haising daeuj daej 顺儿才哭诉；
Mwngz bae geij bi neix 你去这几年，
Gou gwn faex guh donq 我餐餐“吃木”。
Sinhngeiz caenh gwnheiq 顺儿受尽气，
Mbouj gamj daej ok sing 不敢放声哭；
Raen boh haeujma daengz 见父亲回到，
De haising daeuj daej 顺儿才哭诉。
Sinhngeiz lwnh daxboh 顺儿告诉爸，
Bazmeh goj mbouj ndei 后妈太狠毒；
Mwngz bae geij bi neix 你去这几年，
Gou gwn faex guh donq 我餐餐“吃木”。
35
Dahlingz cix lwnhnaeuz 达怜则告诉，
Baz bakyouz bakhaj 后娘嘴滑毒；
Eu go bae coih vax 叫哥去捡漏，
Baz daj laj coemh feiz 她下面放火。
Boh okbae geij nienz 爸出去几年，
Caen hojlienz go gou 可怜哥无助；
Dahlingz cix lwnhnaeuz 达怜则告诉，
Baz bakyouz bakhaj 后娘嘴滑毒。
Eu go bae sou leiz 叫哥收梨果 ，
Cang coegcei baihlaj 在下装尖竹；
Eu go bae coih vax 叫哥去捡漏 ，
Baz daj laj coemh feiz 她下面放火。
36
Hai feiz coemh mbouj dai 放火烧不死，
Baz youh hai faex mboengj 她又用棍打；
Gij lwed lae baenz boengq 鲜血流成堆，
Deuz hwnj ndoeng bae ndoj 逃上山躲下。
Dahlingz lwnh bohgeq 达怜告诉爸，
Naeuz bazmeh doeg lai 讲后娘毒辣；
Hai feiz coemh mbouj dai 放火烧不死，
Baz youh hai faex mboengj 她又用棍打。
Hai faex mboengj caen yung 用棍打得凶，
Go ndang yungz baenz boengz 肉溶像泥巴；
Gij lwed lae baenz boengq 鲜血流成堆，
Deuz hwnj ndoeng bae ndoj 逃上山躲下。
37
Goengyiuz ndaej nyi gangj 姚公听讲后，
Raemxda langh mbouj dingz 眼泪落卜卜；
Guhvunz youq lajmbwn 人生在世间，
Vihmaz sim nyinx doeg 为何心恁毒。
Daegciengh ndaej gwn bya 特丈得吃鱼，
Sinhngeiz ra gwn gangj 顺儿吃鱼骨；
Goengyiuz ndaejnyi gangj 姚公听讲后，
Raemxda langh mbouj dingz 眼泪落卜卜。
Aeu mwngz daeuj guenjgoq 要你来管顾，
Mwngz cix guh simbwn 你毒心害孤；
Guhvunz youq lajmbwn 人生在世间，
Vihmaz sim nyinx doeg 为何心恁毒。
38
Aeu mwngz daeuj guenj gya 娶你来管家，
Guh caca cakcak 搞乱七八糟；
Haih lwg miz coihyak 害子有罪恶，
Aeu faex fad mwngz deuz 用棍赶你走。
Gou vih guh seng’eiq 我因做生意，
Cix aeu maex neix ma 才娶这婆到；
Aeu mwngz daeuj guenj gya 聚你来管家，
Guh caca cakcak 搞乱七八糟。
Eu mwngz ngonz lwglingz 叫你管小孩，
Mwngz yawz sim nyinx yak 你心似毒药；
Haih lwg miz coihyak 害子有罪恶，
Aeu faex fad mwngz deuz 用棍赶你走。
(caengz sat)
缩小
默认
