1、Heuh vunzbingh aj bak, yungh dawh roxnaeuz gaenz beuzgeng yaengyaeng at diuzlinx vunzbingh, hai dendungz yawj conghhoz miz mbouj miz gangjbya roxnaeuz doxgaiq wnq, dangh- naeuz miz cix yungh fagnep nep okdaeuj.

2、Danghnaeuz vunzbingh gamjdaengz gangjbya saek youq ndaw hoz nanz nep ndaej okdaeuj, ndaej hawj de hamz di raemxmeiq ndeu menhmenh ndwnj roengz, roxnaeuz aeu makmoiz ndaem (cawz ngveih) coemj di begdangz ndeu hamz ndaw bak hawj de yungz le ndwnj roengzbae, roxnaeuz yungh ywdoj veih- lingzsenh(威灵仙) 30 gwz, dwk song vanj raemx baek baenz ywraemx, youq 30 faen cung dauqndaw menhmenh ndwnj roengz, ngoenz gwn song fuk, itbuen gwn 1 daengz 4 fuk gangjbya couh unq doek roengz dungx bae ndeidingh.

Danghnaeuz henzgyawj miz yihyen, ceiq ndei sikhaek bae ra canghyw cawqleix. Miz vunz siengj amq hung gyan gwn haeux byaek, nyinhnaeuz baenzneix ndaej at gangjbya roengz dungx, gizsaed, yienghneix guh gig yungyiemj, mbaeu seiz mbangjgiz cujciz deng sieng, naek seiz cix cauhbaenz saihoz mbongq congh yinxhwnj daihliengh ok lwed.