Haemh 7 nyied 20 hauh, youq Yungzsuij Myauzcuz Swciyen Ginhluzswngh Gvangjcangz, boux mohdwz iq he cingq biujyienj. Haemh haenx, aen yienh neix gawjbanh lwgnyez mohdwz doxdax, ciuyinx baenz 40 lai boux lwgnyez mohdwz daeuj camgya, ndawde boux ceiq iq ngamq ndaej 4 bi. Gyoengq boux daeuj camgya doxdax haenx doenggvaq daenj buhvaq minzcuz swhgeij canjok、caizyi biujyienj、byaij T daiz daengj, baijok gij ndeiyawj gij akmaenh swhgeij.

（廖子渊）