Golinzgaeq dingzlai dwg hwnj youq gwnz ndoi、haenznaz、henz roen、haenzdah caeuq ndaw doengh. Gode feih haemz singq caep, gij goengyungh de dwg siu ndat gejdoeg、siu foeg sanq giet、leih nyouh, dwg meih ywdoj ciengz yungh ndeu.

Yw gipsingq yujsenyenz: Aeu golinzgaeq heu 30 gwz, swiq seuq daem yungz baeng gizde, ngoenz vuenh yw baez daengz song baez. Gwn gvaq ndaw: Aeu golinzgaeq 30 gwz, yanghfu(香附) 15 gwz, bwzcij(白芷) 12 gwz, lenzgyau(连翘) 15 gwz, baek raemx gwn, ngoenz fuk, lienz gwn 5 daengz 7 ngoenz.

Yw gipsingq bingh- dahoengz: Golinzgaeq 30 gwz、vagimngaenz 30 gwz、10 gwz vagut、10 gwz vangzginz(黄芩), baek song baez raemx, baen song baez gwn, caemhcaiq yungh nyaqyw oenq swiq song lwgda.

Yw riuzhengzsingq hangz- gauqmou: Aeu 30 gwz golinzgaeq heu, gohaizdaej(dat naeng caeuq oen bae) 30 gwz, siggau ndip 10 gwz, caez daem yungz baeng gizde, ngoenz vuenh yw baez daengz song baez.

Yw menhsingq dungxin aek ciengq: Aeu golinzgaeq 12 gwz, sahyinz 10 gwz, caez ngenz mienz, moix baez gwn 3 gwz, ngoenz gwn 3 baez, yungh raemxgoenj raeuj soengq gwn.