Ngoenzbonz, lauxsae cujciz raeuz yawj 《Lwgnyez Gaej Daej》bouh denyingj neix. Doengh gij gingdaeuz gamjdoengh vunz haenx lij heux youq ndaw uk gou, hawj gou mbouj rox lumz, hawj gou ndaw sim siengj daengz haujlai.

Miz aen yozyau ndeu heuh guh “Ngoenzcog Yozyau”. Gij lwgnyez ndaw yoz- yau bouxboux cungj miz duenh ginglig vunz mbouj rox he: Moz Lanz aenvih swnghhoz sibgvenq cauxbaenz sibgvenq vaih gyaez gwn nyapnyaj; Lij Hau aenvih daxbuz maezsaenq naeuz daxmeh haek dai daxboh de, cix mbouj nyienh raennaj daxmeh; Linz Linz haemz daxgux dawz de soengq daengz yozyau, ngoenznaengz doengz aen seizgan cungj daej ciengz ndeu; Siujfeih mbouj miz daxmeh, daxboh haeuj genhyuz…… Yawjraen gij lwgnyez gyaranz vaih luk vaih lik neix, siengjsiengj gou swhgeij, caen dwg beij gyoengqde vuenyungz cienfanh boix. Moix ngoenz gou gojyij youq aen ranz raeujrub, yiengjsouh gij gyaez bohmeh, gojyij youq ndaw hagdangz gyaeundei caeuq gyoengq baengzyoux hagsib、guhcaemz, gou miz maz swhgwz mbouj ndeindei hagsib ne? Raeuz gijmaz hix mbouj noix, lij miz maz swhgwz euqsingq ne?

Yawj bouh denyingj neix le, gou amq roengz gietsim: Itdingh insik gij hagsib vanzging caeuq hagsib gihvei ngoenzneix, ndeindei hagsib, baezlaeng majhung le, bangcoh lwggyax haemzhoj, vih sevei guh ok gunghawj.(指导老师：潘红玲)