Seizhah gwn dangnohbit, gawq ndaej bouj gij yingzyangj siuhauq bae lai haenx, youh ndaej siu hwngq dem. Boux baenz hawnyieg、gwn siuj、haex ndongj caeuq boux baenz foegraemx gwn dangnohbit ceiq miz ik.

Baihlaj gaisau geij aen dangnohbit:

Danglwgcid nohbit: Aeu 100 gwz lwgcid, duz bit ndeu, 20 gwz coeng, 15 gwz hingndip, 20 gwz laeuj, di gyu he. Guhfap: Bit ciemz bwn cawz dungxsaej bwtdaep, lwgcid dat naeng ndei buq baenz song vamh, ronq coeng baenz duenh, cab hing baenz benq, dwk bit caeuq lwgcid roengz rek, gya diuzliuh gya raemx feizhaenq coemh goenj le gaij yungh feiznumq aeuq daengz bit cug couh baenz gwn.

Dangvagimngaenz nohbit: 25 gwz vagimngaenz, duz bit ndeu, 2 naed maknguh, benq naeng makdoengj ndeu, 2 gep hingndip, 1000 hauzswngh raemx, di gyu he. Guhfap: Swiq vagimngaenz seuq, duzbit swiq seuq le dwk roengz raemxgoenj bae cawj 5 faen cung vez hwnj; swiq naeng makdoengj seuq cimq raemx unq; dwk 1000 hauzswngh raemx cawj goenj, caiq dwk vagimngaenz、bit、maknguh、naeng makdoengj、hing roengz caez aeuq goenj le gaij yungh feiznumq aeuq 2 diemj cung, dwk gyu diuzfeih gwn.