Gyaeqdumq yingzyangj lai, haujlai vunz cungj maij gwn. Vih fuengz yingzyangj doxgaiq sied bae lai, lajneix gaisau geij cungj dumq gyaeq fuengfap:

Dumq gyaeq seiz raemx aeu mued gvaq aen’gyaeq, mboujnex giz raemx mued mbouj daengz haenx danbwzciz couh nanz giet maenh, yingjyangj siuvaq.

Caengz dumq gaxgonq sien dwk gyaeq roengz raemxgyoet bae cimq yaep ndeu caiq dumq, mwh dumq seiz dwk raemxgyoet roengz, feiz mbouj haenq mbouj numq cawj goenj, yienghneix ndaej fuengz gyamq dek, yingzyangj doxgaiq noix sied bae.

Dumq seizgan daiq dinj gyaeqhenj mbouj cug, daiq nanz gyaeq youh mbouj ndei gwn. Vihneix, seizgan dumq gyaeq dwg 5 faen cung ceiq ngamj. Danghnaeuz dumq mauhgvaq 10 faen cung, baihndaw couh rox hwnj ithaehlied vayoz bienqvaq, danbwzciz gezgou bienq ndaej gig gaenjmaed, nanz siuvaq. Linghvaih, dan’anhsonh ndaw gyaeq gya’ndat seizgan daiq nanz, rox faengaij ok liuzvavuz, cungj huq neix caeuq diet ndaw gyaeqhenj fatseng fanjying le, bienqbaenz gij liuzvadez ndang vunz nanz supsou haenx, yingz- yangj hix sied bae haemq lai.