Haetromh, daxmeh douqlwg vix aen swx cang rim lauxbaeg doiq douqlwg hau naeuz:“Lwg ha, mwngz naengz mbouj naengz bang daxmeh dawz loz lauxbaeg neix soengq bae hawj daxdaiq ne?” Douqlwg hau angq naeuz:“Daxmeh, gou gig haengj bang mwngz guh di saeh!” Douqlwg hau riuj aen swx couh bae ranz daxdaiq lo.

Youq gwnz loh, douqlwg hau itmienh byaij itmienh ciengqgo. Sawqmwh, diuz dah ndeu lanz youq baihnaj. Yienzlaiz, haemhlwenz ngamq doek raq fwn ndeu, raemxdah hwnj lo, muenx gvaq giuz iq gwnz dah. Douqlwg hau gvaq mbouj ndaej lo, de gip ndaej daej hwnjdaeuj. Duz meuzva youq henz dah iq dingqnyi sing daej douqlwg hau, ganjgip gvaqdaeuj cam: “Douqlwg hau, mwngz baenzlawz daej lo?” Doulwg hau naeuz:“Gou dapwng bang daxmeh soengq lauxbaeg bae hawj daxdaiq, hoeng raemxdah hwnj lo, gou bae mbouj ndaej.” Meuz raiz lienzmuengz nai naeuz:“Douqlwg hau, gaej gip, gou bang mwngz siengj banhfap.” Meuz raiz dauqma ranz swhgeij, ra daeuj batfaex、faexbenj、faexsaux、gienyouzraemx. De dawz faexbenj gyaq youq gwnz batfaex, dawz aen swx cuengq youq gwnz faexbenj, doeklaeng hawj douqlwg hau naengh youq ndaw batfaex, meuz raiz dawz gyaeuj faexsaux ndeu, douqlwg hau dawz gyaeuj faex ndeu, meuz raiz daep hwnj gienyouzraemx, soengq douqlwg hau gvaq dah. Mbouj geij nanz, meuz raiz couh dawz douqlwg hau swnhleih soengq daengz mbiengj dah baihhaenx lo. Douqlwg hau gikdoengh dwk doiq meuz raiz naeuz:“Meuz raiz daeggo, docih mwngz soengq gou gvaq dah.” Meuz raiz naeuz: “Mbouj yungh lo, mwngz vaiqdi dawz lauxbaeg soengq daengz ranz daxdaiq ba, gaej hawj gyoengqde caj nanz lo!”

(指导老师：邓秀妮)