●Gaenh bi daeuj, Denh- dwngj Yen Bajhoz Yangh aeu cungj fuengsik gunghswh + gihdi + nungzhoh neix daeuj haenqrengz fazcanj daegsaek dajndaem canjyez. Dangqnaj, daengx yangh ndaem miz gvehoengz 1200 lai moux, ciuq moix moux ndaejsou 3000 lai goenggaen、moix goenggaen 2 maenz suenq ne, daengx yangh gvehoengz canjciz 720 lai fanh maenz, boux ndaem gvehoengz bingzyaenz moix boux laisou 1000 lai maenz.

(Vangz Lilanz)

●Daj bineix daeuj, Bingzgoj Yen guh dangj raeuz ginzcung lusen gyauyuz sizcen hozdung senhconz yienjok hozdung 30 lai ciengzbaez, youq yienhciengz fat camdap swhliu 50000 lai cek(faen) , yienhciengz camgya camdap 20000 lai vunzbaez, neix doidoengh dangj raeuz ginzcung lusen gyauyuz sizcen hozdung haeujlaeg fazcanj.

(Vuz Anhginh)

●Geij ngoenz gonq, Lozyez Yen Vahbingz Cin youq Vahyenz Cunhyauzcuz gaihcanj 4 ngoenz nungzminz lauzvu ginaengz beiz- yin, son ndaw cunh neix 150 lai boux hag denhan、coih giceh nem mozdoz daengj.

(Yenz Gozveij)

●Daj 2003 nienz daengz 3013 nienz, Nazboh Yen Minz- cuzgiz gungh ceng ndaej gij cienzngaenz Swcigih Minzveij fazcanj saujsu minzcuz de 4738 fanh maenz, guh hanghmoeg 281 aen, hanghmoeg gvendaengz mbanj gaep goengloh、vunz caeuq doihduz gwnraemx daengj, gaijgez le dieg saujsu minzcuz 54000 ginzcung byaij roen hoj、gwn raemx hoj、laisou hoj daengj vwndiz.

(Vangz Bizvaz)

●Fuconh Yauzcuz Swciyen Cauzdungh Cin Siusuij Cunh daj saedhengz gij hanghmoeg gensez cin nem cunh miz daegsaek youh mizmingz de daeuj, gungh roengzngaenz 977 fanh maenz, guh sat hong gaijguh yienghsiengq ndawsingz lajmbanj, hawj gij yangh Yauzcuz yienghsiengq bienq moq.(Cinz Yengiz Yiz Bujyin)