7 nyied 2 hauh, liggaeuq loeg nyied coloeg, Lungzswng Gak Cuz Swciyen Lungzciz Cin Mbanjginhgwngh Yauzcuz gyoengq beixnuengx Yauzcuz de angq gvaq“ciet dak ndangdaenj”. Gyoengq mehmbwk Hungzyauz(nga Yauzcuz ndeu) youq rog ranz venj doenghgij ndangdaenj minzcuz hwnjdaeuj dak. Doengzseiz, vunz Yauzcuz dangdieg daenj ndangdaenj ndei, vih hekyouz yienj le dozmae、dajsan、dingj faexcuk daengj buek cezmuz miz daegsaek minzcuz dangdieg de, ndeiyawj caixcaix. Ndaw doz dwg gyoengq mehmbwk Hungzyauz cingq yienj gij dinfwngz dozmae de. (Veiz Gizyangz/韦吉阳 Luz Gyangz/陆 强 ingj)