Daj bineix daeuj, Nanzningz Si haenqrengz dajcaux aen lijyouz binjbaiz miz cwngzsi daegsaek, naemj dajcaux ok “fwenhaij Mbanjcuengh、singzheu Cungguek、miz Dunghmungz funghcingz”seiq aen binjbaiz miz gozci yingjyangjliz neix, roengz cienz rengz guh aen singz lijyouz miz daegsaek de, cungfaen vatgud ndaw si neix roek aen yienh gij minzcuz vwnzva swhyenz gig fungfouq de, caemsim dajcaux Mbanjcuengh minzcuz funghcingz lijyouz, doidoengh Nanzningz lijyouzyez ndaej bongh- yat fazcanj baenaj.

Ndawde, Vujmingz Yen haenqrengz dajcaux baenz gizdieg guh Cungguek Mbanjcuengh vwnzva swnghdai youqndwi lijyouz. Lungzanh Yen dajcaux“naz”vwnzva binjbaiz. Binhyangz Yen guh hung guh giengz fouxlungzbauq mbaw baiz hung minzsuz vwnzva lijyouz neix. Majsanh Yen daihlig fazcanj swnghdai lijyouz nem minzcuz funghcingz lijyouz. Sanglinz Yen cug mbaek dajyiengj Sanglinz ciengxndang binjbaiz. Hwngzyen haeuj laeg bae vatgud vwnzva vamaedlaeh, dajcaux diuz roen miz doenghyiengh maenhndei.

(Veiz Yenzfuz/韦元福)