5 nyied 21 hauh, Cuengh Gun song saw vah sonhag sawqniemh hagdangz Vujmingz Yen Senhhuz Cin Cunghgyauz Siujyoz guh baez daudwz gyangjdangz daegbied ndeu, cujdiz dwg 《Aeueiq Bouxlaux Gyaez Beixnuengx》.

Ngoenzhaenx, Senhhuz Cin Cunghsinhyauz lingjdauj、daengx cin banhcujyin caeuq gyoengq gyahcangj daibyauj caez daengz Cunghgyauz Siujyoz dingq dangz dauzdwz gyangjdangz hozdung neix.

Hozdung faen baenz roek aen vanzcez: Swhgeij fanjsingj、ciengq go、 hag mozfan、 doeg ginghdenj、 gangj gamjsouh、 soengq gitleih. Daengx aen hozdung lauxsae cuengqfwngz hawj gyoengq hagseng swhgeij guh swhgeij hwnj. Youq gwnz godangz, gyoengq doengzhag bouxboux nyinhcaen dingq, doxciengj gangj，daegbied dwg “gangj gamjsouh” aen vanzcez neix, mbangj boux giethab gij saeh swhgeij daeuj gangj, gig caensaed gig gamj- doengh vunz, haujlai doengzhag dingq le nyaenx mbouj ndaej raemxda lae lo. Mbat hozdung neix gig miz yiyi, mboujdanh hawj gyoengq hagseng hag ndaej cihsiz, caemhcaiq hawj gyoengqde rox baenzlawz guhvunz, baenzlawz aeueiq bouxlaux……

Baez daudwz gyangjdangz hozdung neix dwg Senhhuz Cin dauzdwz gyangjdangz dangz daih’it, vih daengzcog daudwz gyangjdangz hozdung guhliux sifan caeuq dazyinx.

(武鸣县仙湖镇中桥小学 潘芳兰)