Seizhah mbwn ndat, vunz yungzheih fatsa. Fatsa seiz cawz aeu gibseiz ceihyw le, gwnndoet hix aeu haeujsim baihlaj geij diemj cij ndaej:

1、Geih daihliengh gwn raemx. Fatsa seiz, moix baez gwn raemx aeu noix, caemhcaiq gwn lai baez, moix baez gwn raemx mbouj ndaej mauhgvaq 300 hauzswngh. Aenvih lanh ndoet rox heuz saw raemx ndaw dungx, doeklaeng yingjyangj daengz siuvaq goengnaengz, lij rox cauhbaenz sied bae daih- liengh raemx ndaw ndang caeuq gyu dem, youqgaenj seiz rox fatseng caeugaen.

2、Geih gwn mak gva ndip. Boux baenz fatsa dingzlai dwg aendungx hawnyieg, dangh- naeuz daihliengh gwn mak gva ndip caeuq huqgyoet, rox sieng daengz gij yiengzheiq aendungx, hawj aendungx yindung mboujmiz rengz, youq- gaenj seiz couh baenz dungx siq caeuq dungx in.

3、Geih gwn huq youz- nywnx. Fatsa le wnggai noix gwn huq youznywnx, gwn le rox gyanaek dungxsaej fudanh, lwed couh noix lae haeuj ndaw uk bae, ndang vunz couh gamjdaengz naetnaiq, caemhcaiq rox yinxfat baenz dungxraeng.

4、Geih dandog gwn bouj. Fatsa le heiq ndat caengz siu liux, ndigah mbouj ndaej dandog gwn bouj. Danghnaeuz nyinh- naeuz ndang nyieg couh gwn bouj, couh rox hawj gij ndat nyuenz yaek siu bae haenx youh dauq ndat hwnjdaeuj, engq nanz siu gij ndat bae.