□ 关仕京 李守汉 整理翻译
(ciep geizgonq)
44
Dahngeiz cix han naeuz 达儿回答说，
Ngoenzbonz gou bae daiq 前天回娘家；
Cien lauz deng raix laj 煎猪油挨倒，
Sinz deng naj cix raiz 溅对脸就麻。
Dwg cin meh mbouj dwg 是不是真娘，
Cix cam mbwk laizyouz 问缘由真话；
Dahngeiz cix han naeuz 达儿回答说，
Ngoenzbonz gou bae daiq 前天回娘家。
Vih cien lauz daiq ndat 因煎油太烫，
Deng lauz byat roengz laj 碰油泼地下；
Cien lauz deng rax laj 煎猪油挨倒，
Sinz deng naj cix raiz 溅对脸就麻。
45
Yiengh lumj sim mbouj lumj 样像心不像，
Lwg gag naemj mbouj ndei 儿自想无用；
Caen meh gvaq lawz bae 亲娘到哪去，
Hwnzngoenz ngeix mbouj doeng 日夜想不通。
Aenbak goj rox gangj 嘴巴可会讲，
Sim doeg dangq oendumh 心毒像荆丛；
Yiengh lumj sim mbouj lumj 样像心不像，
Lwg gag naemj mbouj ndei 儿自想无用。
Duzroeg swenjyaya 鸟儿呀呀叫，
Naeuz mbwkmah mbouj meiz (miz)讲娘已寿终；
Caen meh gvaq lawz bae 亲娘哪里去，
Hwnzngoenz ngeix mbouj doeng 日夜想不通。
46
Dahgyax dai gvaq haeuh 达甲死之后，
Duzsien daeuj gouq leix (lix) 神仙救还阳；
Dauq ndaej ma doekseiq 再生来投世，
Gaiq yienghceij goj doengz 相貌全一样。
Vunz ndei miz mbwn bang 好人有天助，
Dai bae fangz mbouj coux 死去鬼不藏；
Dahgyax dai gvaq haeuh 达甲死过后，
Duzsien daeuj gouq lix 神仙救还阳。
Vunz haih vunz mbouj gai 不该人害人，
Dahgyax dai dauq leix (lix) 达甲死还阳；
Dauq ndaej ma doekseiq 再生来投世，
Gaiq yienghceij goj doengz 相貌全一样。
47
Lwg raen meh dauqma 儿见娘返回，
Couh got ga mbouj cuengq就抱腿不放；
Doiq lwg caez bae duengh 孩儿去搂住。
Meh lwg cuengq sing gyangz 母子哭悲伤。
Meh daj mbwn doek daeuj 娘从天降下，
Lwg bouxboux cungj sax 儿揖拜天堂；
Lwg raen meh dauqma 儿见娘返回，
Couh got ga mbouj cuengq 就抱腿不放。
Dahgyax dai bae naj 达甲死离去，
Dauq ndaej ma dieg Cuengh 再回到壮乡；
Doiq lwg caez bae duengh 孩儿去搂住，
Meh lwg cuengq sing gyangz 母子哭悲伤。
48
Nuengx raen cej ma ranz 妹见姐还家，
Cix gag fanz gag heiq 就自烦自忧；
Doiq mbouj hwnj diendeih 对不起天地，
Gag deuz bae caemdinz 自悄悄逃走。
Dahngeiz sim meiz oen 达儿心有刺，
Haih cej daen gyasanj 把姐家产谋；
Nuengx raen cej ma ranz 妹见姐还家，
Cix gag fanz gag heiq 就自烦自忧。
Dahngeiz haih cej dai 达儿害姐死，
Byawz ngeiz caiq dauq leix 谁料再回头；
Doiq mbouj hwnj diendeih 对不起天地，
Gag deuz bae caemdinz 自悄悄逃走。
49
Dahngeiz deuz ma ranz 达儿逃回家，
Daxmeh cam vihmaz 娘问是为啥；
Naeuz Dahgyax dauqma 说达甲生还，
Baz sueng da cix daengx 娘双眼瞪大。
Mbouj rox yienghlawz ndei 不知如何好，
Yied ngeix sim yied fanz 越想越烦杂；
Dahngeiz deuz ma ranz 达儿逃回家，
Daxmeh cam vihmaz 娘问是为啥。
Dahngeiz naj cinx nyaenq 达儿觉丑脸，
Buet ma lwnh mehbaz 跑回告诉娘；
Naeuz Dahgyax dauqma 说达甲生还，
Baz sueng da cix daengx 娘双眼瞪大。
50
Mehlaeng dingq naeuz neix 后娘听这话，
Youh lingh ngeix ciengcingz 又另想害法；
Baezneix haih mbouj baenz 这次害不成，
Baez doeklaeng caiq daeuj 下次再害她。
Gangj daeuj hix geizgvaiq 讲来也奇怪，
Dahgyax dai dauq leix（lix） 达甲死还家；
Mehlaeng dingq naeuz neix 后娘听这话，
Youh lingh ngeix ciengcingz 又另想害法。
Mehlaeng sim daiq naeuh 后娘心太烂，
Baz youh daeuj haih vunz 她又害达甲；
Baezneix haih mbouj baenz 这次害不成，
Baez doeklaeng caiq daeuj 下次再害她。
51
Baz sim mou sim ma 娘猪心狗肺，
Buet bae ra Dahgyax 跑去找达甲；
Song meh lwg doiq naj 母女俩对面，
Baz gangjvah miz oen 娘讲带刺话。
Baz neix sim rwix lai 这婆娘心坏，
Mbouj lau vaih aennaj 不怕掉身价；
Baz sim mou sim ma 娘猪心狗肺，
Buet bae ra Dahgyax 跑去找达甲。
Mehlaeng sim mbouj dai 后娘不死心，
Youh siengj haih Dahgyax 又想害达甲；
Song meh lwg doiq naj 母女俩对面，
Baz gangjvah miz oen 娘讲带刺话。
52
Baz neix sim daiq bwn 这婆心太黑，
Cienz dwg gwn vunz leix (lix) 吃人不吐骨；
Haih Dahgyax dai bae 害达甲死去，
Hawj Dahngeiz daeuj ciep 给达儿替补。
Baz beij guk lij doeg 她比虎还毒，
Caiq gwn lwg laj din 再吃女遗孤；
Baz neix sim daiq bwn 这婆心太黑，
Cienz dwg gwn vunz lix 吃人不吐骨。
Baz doeg dangq yahvaiz 她似猩猩毒，
Gwn vunz dai vunz lix 人死活不顾；
Haih Dahgyax dai bae 害达甲死去，
Hawj Dahngeiz bae ciep 给达儿替补。
(caengz sat)
缩小
默认
