Lwgnyez dwg dujva guekcoj, dwg gij maqmuengh ngoenzcog minzcuz. Lwgnyez ngoenzneix, couhdwg boux gensez caeuq boux ciepban ngoenzcog. 5 nyied 31 hauh, youq “roekit” ciet lwgnyez ngoenzgonq, gyoengq boux miz simgyaez haenx bae daengz Majsanh Yen Bwzsanh Cin Sanhlenz Siujyoz yawj gyoengq lwgnyez, dawz laex soengq hawj gyoengq lwgnyez, caeuq gyoengq lwgnyez angq hoh ngoenzciet.

6 nyied 1 hauh, Gvangjsih Cunghoz Gilozbu 70 lai boux miz simgyaez daj Nanzningz 、Liujcouh bae daengz Ginhsiu Yauzcuz Swciyen Dacangh Yangh Cunghsinh Siujyoz, dawz 3.6 fanh maenz ngaenz caeuq doxgaiq yungh hagsib soengq hawj 72 boux hagseng ndaw ranz gungzhoj haenx.

Gyoengq boux simgyaez cungj daengq gyoengq lwgnyez daj iq aeu laeb ceiqheiq hunggyae, gyaez guekcoj、gyaez lwgminz 、gyaez mbanjranz, laebceiq baenzcaiz, roengzrengz hagsib vwnzva cihsiz; ciepswnj caeuq fazyangz Cunghvaz minzcuz conzdungj meijdwz, guh boux lauxsaed gangj saenqyungh、souj fap、 aeueiq lauxsae ndeu, majhung guh boux ciepban habgek seveicujyi saehnieb miz lijsiengj、miz daudwz、miz vwnzva、miz gijliz ndeu.(Cau Yijbinh)