Aeu ceh byaekgat nienj mienz baenz mwnh, caeuq bya ndip doxgyaux yo ndaw doengh aen dajcaeng maedfung, ndaej baujsien bya seiqhaj ngoenz mbouj haeu. Danghnaeuz dwg byalix, ndik geij ndik laeuj roengz bak bya bae caiq cuengq roengz ndaw bat bae, duzbya lai dingj ndaej haujlai nanz mbouj dai. Gij baengz yungh meiq cimq gvaq haenx dawz daeuj suek nohmou singjsien, ndaej yo song hwnzngoenz mbouj bienqcaet. Vaceu dwg gij dienyienz dingj yangjva doxgaiq, dawz gij raemxgyu vaceu cawj goenj langh liengz yo youq ndaw doengh aen dajcaeng, yungh daeuj cimq noh ndip、gaeq ndip, ndaej yo songsam ngoenz mbouj bienqcaet. Youq biujmienh byukgyaeq led caengz youz he ndaej laengzdangj sigin ciemq haeuj, ndaej baujsien gyaeqgaeq haujlai nanz.