(ciep geizgonq)
35
Duzroeg heuhcaca 鸟儿叫喳喳，
Lwnh Dahgyax gangjnaeuz 它告诉达甲；
Mbawgyoij mwngz bae aeu 你去要蕉叶，
Gim bu daeuj daengz ranz 黄金铺到家。
Mbawgyoij go miz lai 蕉叶有大把，
Dawz ma baiz gox gyax 达甲快去拿；
Duzroeg heuh yaya 鸟儿叫喳喳，
Lwnh Dahgyax gangjnaeuz 它告诉达甲。
Mbwk vang lanz raeh lanz 娘横栏直栏，
Mbwn mbouj nanz bouxhoj 天不难孤寡；
Mbawgyoij mwngz bae aeu 你去要蕉叶，
Gim bu daeuj daengz ranz 黄金铺到家。
36
Ndaejnyi roeg naeuz neix 听鸟这样讲，
Dah gag eiq ndaw sim 达甲心自喜；
Mbawgyoij rox bienq gim 蕉叶会变金，
Mbwn hawj baenz gvanyah 天赐成夫妻。
Lwggyax goj rox hung 孤儿会长大，
Aenmbwn goj rox leix 天可通情理；
Ndaejnyi roeg naeuz neix 听鸟这样讲，
Dah gag eiq ndaw sim 达甲心自喜。
Bouxlawz youh bae ngeiz 哪个又料到，
Lwggyax ndaej baenz vunz 孤儿能成器；
Mbawgyoij rox bienq gim 蕉叶会变金，
Mbwn hawj baenz gvanyah 天赐成夫妻。
37
Caeuq siucaiz baenzgya 同秀才结婚，
Song bi dah miz lwg 两年她生仔；
Aen gyaranz miz fuk 家庭有福气，
Ngonzraen mbwk dahoengz 娘红眼病来。
Lwggyax hoj cibcingz 孤儿十分苦，
Mbwn miz sim cojgvaq 上天赐福来；
Caeuq siucaiz baenzgya 同秀才结婚，
Song bi dah miz lwg 两年她生仔。
Raen Dahgyax baenz vunz 见达甲成人，
Mbwk aensim engq nduk 后娘心更坏；
Aen gyaranz miz fuk 家庭有福气，
Ngonzraen mbwk dahoengz 娘红眼病来。
38
Mehlaeng sim mbouj ndei 后娘心不好，
Heuh Dahngeiz bae dingj 叫达儿替顶 ；
Dahngeiz sim mbouj cingq 达儿心不正，
Bae haih mingh Dahgyax 谋害达甲命。
Sim mbwk lumj sim ma 后娘狗肺心，
Haih Dahgyax dai bae 害达甲死命；
Mehlaeng sim mbouj ndei 后娘心不好，
Heuh Dahngeiz bae dingj 叫达儿替顶。
Dahngeiz heuh beixdah 达儿叫阿姐，
Bae henzdah ciuq ingj 去河边照影；
Dahngeiz sim mbouj cingq 达儿心不正，
Bae haih mingh Dahgyax 谋害达甲命。
39
Dahngeiz riuhehe 达儿笑嘻嘻，
Heuh dahcej bae youz 叫阿姐出游；
Bae henzdah ciuqngaeuz 去河边照影，
Nuengx geiqmaeuz haih mingh 中害命计谋。
Dahngeiz caeux miz eiq 达儿早有意，
Bae dingj daeq dahcej 顶替姐筹谋；
Dahngeiz riuhehe 达儿笑嘻嘻，
Heuh dahcej bae youz 叫阿姐出游。
Dahgyax aensim soh 达甲心善良，
Cix mbouj rox deng yaeuh 不知妹骗诱；
Bae henzdah ciuq ngaeuz 去河边照影，
Nuengx geiqmaeuz haih mingh 中害命计谋。
40
Daiq bae daengz henz fai 带去到潭边，
Raemxdah lai foubeij 潭水涨满滩；
Heuh cej daengz henz bae 叫姐到岸边，
Dawz dah ngaex roengz raengz 把姐推下潭。
Dahgyax sim daiq soh 达甲心太善，
Cix mbouj rox naeuz dai 不知遇死难；
Daiq bae daengz henz fai 带去到坝边，
Raemxdah lai fouzbeij 潭水涨满滩。
Caen hojlienz Dahgyax 达甲真可怜，
Dingq gij vah Dahngeiz 信达儿言谈；
Heuh cej daengz henz bae 叫姐到岸边，
Dawz dah ngaex roengz raengz 把姐推下潭。
41
Dahgyax caeuq Dahngeiz 达甲和达儿，
Bonj dwg ndei beixnuengx 是姐妹同俦；
Dahgyax dai ienuengj 达甲死冤枉，
Deng dahnuengx gwn faenh 被阿妹占有。
Nuengx cej caez caemh boh 姐妹同父生，
Cungj itloh doxgyaez 一直情深厚；
Dahgyax caeuq Dahngeiz 达甲和达儿，
Bonj dwg ndei beixnuengx 是姐妹同俦。
Dahgyax dwg sim ndei 达甲是好心，
Itloh gyaez dahnuengx 对妹勤侍候；
Dahgyax dai ienuengj 达甲死冤枉，
Deng dahnuengx gwn faenh 被阿妹占有。
42
Dahgyax dai hixhaeuh 达甲死以后，
Dahngeiz daeuj dingjdaeq 达儿顶替她；
Dangq Dahgyax yienghceij 像达甲一样，
Nanz faen ndaej caen’gyaj 难分出真假。
Mehlaeng sim mbouj ndei 后娘心不好，
Caeux couh miz geiqmaeuz 早就有谋划；
Dahgyax dai hixhaeuh 达甲死以后，
Dahngeiz daeuj dingjdaeq 达儿顶替她。
Lwg raen meh najraiz 儿见娘脸麻，
Goj nanz cai it dei 难猜出微瑕；
Dangq Dahgyax yienghceij 像达甲一样，
Nanz faen ndaej caen’gyaj 难分出真假。
43
Lwg vih faen gyajcaen 儿为分真假，
Cix cam coenz saedvah 就问句实话；
Mwngz dwg dou mbwkmah 你是我们娘，
Vihmaz naj youh raiz 为何脸又麻。
Dah mbouj beij meh ndei 她不比娘好，
Cix gag ngeix ndaw sim 心自有想法；
Lwg vih faen gyajcaen 儿为分真假，
Cix cam coenz saedvah 就问句实话。
Mbwk cienz hengz doegsim 娘全施毒心，
Mbouj rox caen rox gyaj 不知真或假；
Mwngz dwg dou mbwkmah 你是我们娘，
Vihmaz naj youh raiz 为何脸又麻。
(caengz sat)
缩小
默认
