(ciep geizgonq)
26
Dahgyax dingq vaiz naeuz 达甲听牛讲，
Nip noh caeu hwnjdaeuj 夹肉藏起来；
Mbwk deuz liux hixhaeuh 等后娘走后，
Dawz rog daeuj moekhaem 拿肉到外埋。
Gaeuvaiz venj rogding 牛头挂厅堂，
Davaiz mbingjngaeungaeu 牛眼直发呆；
Dahgyax dingq vaiz naeuz 达甲听牛讲，
Nip noh caeu hwnjdaeuj 夹肉藏起来。
Yaek gwn duz youh mbingj(yawj) 要吃牛又瞧，
Nip ndaw dingq ma caeu 夹回碟里来；
Mbwk deuz liux hixhaeuh 等后娘走后，
Dawz rog daeuj moekhaem 拿肉到外埋。
27
Haem noh ndaej ndwen lai 埋肉个把月，
Biu gofaiz hwnjdaeuj 长出甜竹芽；
Daj seizhaenx hixhaeuh 打那时以后，
Miz mbwn daeuj couh de 有天助达甲。
Dahgyax haemhhaemh daej 达甲晚晚哭，
Hwnzngoenz ngeix duzvaiz 想牛放不下；
Haem noh ndaej ndwen lai 埋肉个把月，
Biu gofaiz hwnjdaeuj 长出甜竹芽。
Gofaiz hung youh coek 甜竹大又壮，
Bae lajgoek dauj daeuh 木炭倒根下；
Daj seizhaenx hixhaeuh 打那时以后，
Miz mbwn daeuj couh de 有天助达甲。
28
Youh hwnj caz gosei 又长丝竹丛，
Go de ndei youh oiq 它又高又硬；
Lij hwnj caz go’gyoij 还长丛芭蕉，
Caez guhdoih dangj yaem 一同来挡阴。
Dauj daeuh youh rwed raemx 倒灰把水淋，
Dah haethaemh cungj bae 早晚都殷勤；
Youh hwnj caz gosei 又长丝竹丛，
Go de ndei youh oiq 它又高又硬。
Dah dajleix ndaej ndei 她护理得好，
Hwnj gosei cix oiq 丝竹绿青青；
Lij hwnj caz go’gyoij 还长丛芭蕉，
Caez guhdoih dangj yaem 一同来挡阴。
29
Ndaw mbanj miz heiq daeuj 村里有戏看，
Mbwk cix naeuz mbouj bae 娘说不要去；
Buhvaq cungj mbouj miz 没有好衣裤，
Mbouj hawj bae yawj heiq 不给去看戏。
Lwggyax mbouj doengz vunz 孤儿别于人，
Caen siengsim ndaej daeuq 真伤透心理；
Ndaw mbanj miz heiq daeuj 村里有戏看，
Mbwk cix naeuz mbouj bae 娘说不要去。
Vih mbouj miz mehcaen 为没有亲娘，
Dah cix doengh yienghneix 达甲才受气；
Buh caeuq vaq mbouj miz 没有好衣裤，
Mbouj hawj bae yawj heiq 不给去看戏。
30
Roeg heuh gwnz gosei 鸟丝竹上叫，
Naeuz gaej heiq ha gyax 达甲莫烦恼；
Mbouj miz buh caeuq vaq 你没有衣裤，
Bae laj go’gyoij aeu 芭蕉下去要。
Bae daengz aeu mbawgyoij 去要芭蕉叶，
Baez hoij hwnj ndang bae 披到身上好；
Roeg heuh gwnz gosei 鸟丝竹上叫，
Naeuz gaej heiq ha gyax 达甲莫烦恼。
Mwngz siengj daenj buhmoq 你想穿新衣，
Mbouj yungh hoj bae ra 不用费劲找；
Mbouj miz buh caeuq vaq 你没有衣裤，
Bae laj go’gyoij aeu 芭蕉下去要。
31
Dahgyax aeu mbawgyoij 达甲要蕉叶，
Baez hoij hwnj ndang bae 往身上一披；
Gaeq couh baenz buh ndei 它变新衣服，
Couh ndaej bae yawj heiq 就得去看戏。
Ndaw mbanj miz ciengqheiq 村里有唱戏，
Dah yaek bae cimh doih 她去找姐娣；
Dahgyax aeu mbawgyoij 达甲要蕉叶，
Baez hoij hwnj ndang bae 往身上一披。
Bae daengz laj go’gyoij 去到蕉林下，
Aeu mbaw hoij hwnjbae 要叶身上披；
Gaeq couh baenz buh ndei 它变新衣服，
Cix ndaej bae yawj heiq 就得去看戏。
32
Mbwk raen doengh yienghneix 娘见是这样，
Caenh haenqheiq ndaw sim 气恨心要翻；
Raemj go’gyoij ciedlaemz 砍蕉树绝种，
Aeu feiz coemh baenz danq 放火烧成炭。
Raen Dahgyax daenj ndei 见达甲穿好，
Siengj gwn mbei gwn saej 想吃肠吃胆；
Mbwk raen doengh yienghneix 娘见是这样，
Caenh haenqheiq ndaw sim 气恨心要翻。
Raen Dahgyax yienghneix 见达甲这样，
Mbwk yied ngeix yied haemz 娘恨入肝胆；
Raemj go’gyoij ciedlaemz 砍蕉树绝种，
Aeu feiz coemh baenz danq 放火烧成炭。
33
Dahgyax gyaeundei lai 达甲多美丽，
Miz siucaiz daeuj ra 秀才来求婚；
Naeuz aeu ma guh yah 说娶来当妻，
Mbwk mbit naj mbouj han 娘转脸不认。
Dah cix ngoenz cix hung 达甲已长大，
Caen baenz vunz raixcaix 果然成美人；
Dahgyax gaeundei lai 达甲多美丽，
Miz siucaiz daeuj ra 秀才来求婚。
Siucaiz raen dah hoj 秀才见她苦，
Cix hojgyoh baenzmaz 可怜她十分；
Naeuz aeu ma guh yah 说娶来当妻，
Mbwk mbit naj mbouj han 娘转脸不认。
34
Mbwk naeuz mwngz siengj aeu 娘说你想娶，
Dahngeiz gou goj ndaej 娶我达儿吧；
Mwngz aeu Dahgyax neix 要娶达甲走，
Gim bu deih daengz ranz 黄金铺到家。
Siucaiz ma ranz haeuh 秀才回家后，
Fat moiz daeuj cam aeu 发媒来问话；
Mbwk naeuz mwngz siengj aeu 娘说你想娶，
Dahngeiz gou goj ndaej 娶我达甲吧。
Laihdai bae gouz baz 诚心恳求娘，
Gouz maz cungj mbouj ndaej 仍求不动她；
Mwngz aeu Dahgyax neix 你要娶达甲，
Gim bu deih daengz ranz 黄金铺到家。
(caengz sat)
缩小
默认
