Daih’it, geih gwn duhyangj. Lwgnyez sam bi dauqlaj geih gwn duhyangj. Baez loek gwn duhyangj, rox baenz vuengzbiu caeuq nyouh hezhungzdanbwz.

Daihngeih, geih gwn byaekgep. Byaekgep seizhah hamz miz youjgihlinz nungzyoz haemq lai, gij nungzyoz neix haeuj daengz ndaw ndang vunz le rox hawj goengnaengz sinzgingh ok luenh, boux dengdoeg okyienh hanh lai、gangjvah mbouj doengz bingzciengz daengj yienghsiengq.

Daihsam, geih gwn byaekiep. Youq ndaw seizhah, haujlai ranz cungj liz mbouj hai byaekiep. Hoeng, byaekiep youq mwh iep ndawde ciengz dwk bwnjgyazsonh caeuq sanhlizsonh daengj ywfuengznaeuh, gij ywfuengz- naeuh neix ciengzciengz dwg mauhgvaq guekgya byauhcunj, rox sienghaih ndang vunz.