“Dingding dwngdwng……” Yinhyoz hwnjdangz yiengj lo, gyoengq doengzhag ceng gonq lau laeng buet haeuj gyausiz.

“Vih gijmaz gven dou ne? Hai dou ndaw gyausiz cij ndaej doeng heiq.” Yijvwnz lauxsae cam naeuz. Yenzlaiz mbouj rox boux- lawz haeuj gyausiz le swnh fwngz gven dou gyausiz maenh lo. Dingqnyi lauxsae cam, lwgda gyoengq doengzhag cungj doengz- seiz yawj coh lauxsae.

“Nit!” Mbouj rox dah doengzhag lawz ndatheiq fwngfwng daihsing hemq naeuz.

“Nit couh daenj buh na daenj buh lai di.” Lauxsae byaij daengz henz daiz dah doengzhag——Vangz Mungz, gvensim dwk naeuz.

“Mbouj miz cienz cawx!” Vangz Mungz hujheiq gaengj- gwtgwt.

“Mbouj miz banhfap, yiengh- neix mwngz cijnaengz cam bohmeh lo.”

“Bohmeh hix mbouj miz cienz!”Vangz Mungz lumj duz gaeqboux gyaez doxdot nei…… caengz fouq lwgda dingj naeuz.

“Mbouj miz cienz, cam lauxsae aeu ha?”“Gijmaz daidu, gou gangj coenz vah lawz daekcoih mwngz la? Gangj vah coenzcoenz baenzneix daihsing.” Yijvwnz lauxsae sawqmwh ndatheiq bih- bingz naeuz. Gyoengq doengzhag doeksaetyat, ngeihcib fouq lwgda doengzseiz yawj coh aen daiz Vangz Mungz, ndaw ban caemrikrik, byawz hix mbouj caiq dingj bak lo.

Yawjraen yijvwnz lauxsae yienghneix yiemzsuk, gou gig nanzgvaq, gig lau. Yijvwnz lauxsae bingzciengz gyaez caeuq gyoengq doengzhag youh gangj youh riu, gig unqswnh. Gyoengq doengzhag daegbied maqmuengh hwnj yijvwnz go, daegbied siengj youq dangz yijvwnz raen boux lauxsae neix. Danhseih, seizneix gij yiengh- siengq hozunq lauxsae gaenq hoenz siu fwj sanq lo. Seizhaenx, gou geijlai maqmuengh yijvwnz lauxsae mbouj aenvih boux doengzhag neix vut ban dou bae, mbouj caiq son dou lo.

“Noix mwngz boux vunz ndeu, digiuz ciuq baenq.”“Mboujlwnh dwg bouxlawz, gaej yawj swhgeij daiq naek lai, yawj bouxwnq daiq cienh lai. Aeu hagsib caeuq bouxwnq bingzdaengj gyauh- liuz……” Lauxsae vah naek cingz laeg dwk naeuz. Lauxsae lij gawj saehleih、faensik yienzaen、gangj gij youqgaenj de, gyoengq doengzhag dingq ndaej haeuj rwz. Cij raen Vangz Mungz najhoengz rwtdik, ngaem gyaeuj roengz- daeuj, mbouj caiq lumj duz gaeqboux gyaez doxdot haenx hujfoedfoed lo.

Gou ndaw sim gamjsouh gig laeg:“Noix mwngz bouxvunz ndeu, digiuz ciuq baenq.” Coenz vah neix seizseiz daezsingj gou, wnggai baenzlawz guh vunz.

（指导老师：莫忆术）