(ciep geizgonq)
17
Daengj vaiz ma gwn caeuz 赶牛回吃夜，
Duz cix naeuz yienghneix 牛这样讲道；
Daengz seiz gou ok haex 到我拉屎时，
Aeu dox bae do coux 用围裙接要。
Daengj hwnj lingq aeu bieng 赶上坡要快，
Gingz rieng mwngz cix daeuj 翘尾你就到；
Daengj vaiz ma gwn caeuz 赶牛回吃夜，
Duz cix naeuz yienghneix 牛这样讲道。
Duz naeuz coenz youh coenz 牛讲句又句，
Gou daengq mwngz aeu geiq 我嘱你记好；
Daengz seiz gou ok haex 到我拉屎时，
Aeu dox bae do coux 用围裙接要。
18
Daengj ma daengz buenq loh 赶回到半路，
Vaiz cix mo aeu ndaij 牛就哞要麻；
Dah aeu dox bae daix 她要裙去接，
Ok ndaej ndaij baenz byoz 屙出大堆麻。
Vaiz dawz ndaij bae gwn 牛把麻吃下，
Mbaen youh saen youh soh 搓得坚直麻；
Daengj ma daengz buenq loh 赶回到半路，
Vaiz cix mo aeu ndaij 牛就哞要麻。
Daengj vaiz maruengrueng 赶牛回匆匆，
Duz gingz rieng haex raix 翘尾把屎拉；
Dah aeu dox bae daix 她要裙去接，
Ok ndaej ndaij baenz byoz 屙出大堆麻。
19
Daengj vaiz ma daengz ranz 赶牛回到家，
Mbwk couh cam aeu ndaij 后娘问要麻；
Raen mbaen ndaej nyinx vaiq 搓得这样快，
Mbwk geizgvaiq cibfaen 娘奇怪犯傻。
Raen daengj vaiz ma haemh 赶牛回来晚，
Mbwk najhaen cancan 娘睑绷要炸；
Daengj vaiz ma daengz ranz 赶牛回到家，
Mbwk couh cam aeu ndaij 后娘问要麻。
Dah raen mbwk najhaen 她见娘绷脸，
Cix gangj mbaen ndaej ndaij 就说搓得麻；
Raen mbaen ndaej nyinx vaiq 搓得这样快，
Mbwk geizgaiq cibfaen 娘奇怪犯傻。
20
Mbwk naeuz gou cam mwngz 娘说我问你，
Yienghlawz mbaen nyinx vaiq 怎搓得恁快；
Dah lauxsaed gyaudaih 她老实说出，
Naeuz duzvaiz coengh mbaen 是牛帮着来。
Ndaejnyi naeuz yienghneix 听到这样讲，
Mbwk ok geiq gaenlaeng 娘诡计出来；
Mbwk naeuz gou cam mwngz 娘说我问你，
Yienghlawz mbaen nyinx vaiq 怎搓得恁快。
Raen gij ndaij lumj sei 见麻线如丝，
Mbwk simmaez raixcaix 娘着迷心怀；
Dah lauxsaed gyaudaih 她老实说出，
Naeuz duzvaiz coengh mbaen 是牛帮着来。
21
Daeuj daengz haet daihngeih 等到次日早，
Mbwk hawj geiq Dahngeiz 娘给达儿计；
Mwngz yien vaiz okbae 你牵牛出去，
Mbaen song gei cagndaij 搓麻线两箕。
Haemh ma ninz mbouj ndaek 晚上睡不着，
Mbwk guhcaeg naemj ndei 娘暗想好计；
Daeuj daengz haet daihngeih 等到次日早，
Mbwk hawj geiq Dahngeiz 娘给达儿计。
Daihngeih haet daihcaeux 第二天大早，
Mbwk couh naeuz Dahngeiz 给达儿机宜；
Mwngz yien vaiz okbae 你牵牛出去，
Mbaen song gei cagndaij 搓麻线两箕。
22
Dahngeiz yien vaiz bae 达儿牵牛去，
Rap song gei go’ndaij 挑两箕麻皮；
Duzvaiz dawz bae nyaij 老牛把麻吃，
Riuvaivai doiq de 对她笑眯眯。
Raen vaiz gwn gondaij 见牛把麻吃，
Cix goj laihnaeuz ndei 以为是好计；
Dahngeiz yien vaiz bae 达儿牵牛去，
Rap sueng gei gondai 挑两箕麻皮。
Dahngeiz laihnaeuz hoengh 达儿以为好，
Heuh vaiz coengh mbaen ndaij 牛帮搓麻皮；
Duz vaiz dawz bae nyaij 老牛扣麻吃，
Riuvaivai doiq de 对她笑眯眯。
23
Daengj vaiz ma gwn caeuz 赶牛回吃夜，
Dah cix aeu dox daix 她用裙接去；
Duzvaiz ok haexraix 老牛屙烂屎，
Banj seiq baih ndang haeu 洒周身臭气。
Vaiz gwn ndaij roengzbae 牛吃下麻皮，
Dahngeiz eiqyouyou 达儿很得意；
Daengj vaiz ma gwn caeuz 赶牛回吃夜，
Dah cix aeu dox daix 她用裙接去。
Raen duzvaiz gingz rieng 见牛翘尾巴，
Dah cix muengz bae daix 达儿忙接去；
Duzvaiz ok haexraix 老牛屙烂屎，
Banj seiq baih ndang haeu 洒周身臭气。
24
Daengj vaiz ma daengz ranz 赶牛回到家，
Mbwk cix cam aeu ndaij 娘就问要麻；
Raen ndang uq haexvaiz 见周身牛屎，
Couh dawz vaiz bae gaj 就拉牛去杀。
Mbwk dawz daengq daeuj baij 娘拿凳来摆，
Siengj aeu ndaij dajsan 编织想用麻；
Daengj vaiz ma daengz ranz 赶牛到家后，
Mbwk cix cam aeu ndaij 娘就问要麻。
Daengj vaiz ma gwn caeuz 赶牛回吃夜，
Mbwk laihnaeuz ndaej ndaij 娘以为得麻；
Raen ndang uq haexvaiz 见周身牛屎，
Couh dawz vaiz bae gaj 就拉牛去杀。
25
Vaiz lwnh Dahgyax naeuz 牛告诉达甲，
Mbwk gaj gou lu gyax 后娘把我宰；
Cawj noh mwngz gaej ngah 煮肉你莫吃，
Dawz bae lajnamh haem 拿到土里埋。
Dahgyax dingq naeuz neix 达甲听这话，
Caenh aeuqheiq ngaeungaeu 怄气满胸怀；
Vaiz lwnh Dahgyax naeuz 牛告诉达甲，
Mbwk gaj gou lu gyax 后娘把我宰。
Mbwk neix sim doeg lai 后娘心太毒，
Laihdai dawz gou gaj 死赖把我宰；
Cawj noh mwngz gaej ngah 煮肉你莫吃，
Dawz bae lajnamh haem 拿到土里埋。
(caengz sat)
缩小
默认
