Seizcin daengz lo, fwncin saeqsisi daj gwnzmbwn menh- menh mbin roengzdaeuj, goliux henzdaemz did ok ngazoiq heuloeg, vadauz hix riu ndaej najhoengz lo, roegenq youq gwnz gofaex cici caca dwk ciengqgo……

Sam nyied haj hauh dwg ngoenz geiqniemh hag Leiz Fungh. Dou cib lai vunz bae daengz ginglaujyen guh saehndei: Mizmbangj dawz sauqbaet baet ranz, mizmbangj uet daiz daengq, miz mbangj gueng gaeq gueng mou, mizmbangj lwnh gojgaeq hawj daxgoeng daxbuz dingq, mizmbangj bang daxgoeng daxbuz soen ndang…… Daihgya guh ndaej nyaengqnyinyi.

Yaek dauqma seiz, daxgoeng gaem fwngz dou naeuz:“Lwgnyez ndei, docih sou，ngoenzneix raeuz angq raixcaix.”“Mbouj yungh docih, baezlaeng raeuz lij ciengz- seiz daeuj gizneix, hag Leiz Fungh guh saehndei ne.”

Gizgiz miz Leiz Fungh. Youq ndaw hagdangz raeuz, miz siuj- baengzyoux diuq laemx lo, daeggo dahcej sikhaek rex hwnqdaeuj. Gwnz cauhcangz miz nyapnyaj, gyoengq doengzhag gungj hwet gip hwnjdaeuj cuengq haeuj ndaw doengjnyapnyaj. Gwnz gai miz siujyozswngh rex bouxmengz gvaq roen mbouj louz coh. Aenvih miz gij “Leiz Fungh” neix, swnghhoz raeuz bienq ndaej engqgya gyaeundei.

（指导老师：潘金妹）