1、Duhhenj. Feih diemz singq caep, gwn de ndaej cangq mamx gvangq ndaw、nyinh sauj siu huj、gyangqdaemq danjgucunz. Cujyau gwnfap dwg makyungz duhhenj aeuq nohmou、duhhenj maenzdoengzlingz nohdouq aeuq dang daengj.

2、Makdaihcauj ndaem. Feih diemz singq raeuj, gwn de ndaej hawj hezyaz doek roengzdaeuj, bouj mamx huz dungx, ciengx lwed an saenz, ik heiq seng raemx, nyinh bouj daep mak, gyangq danjgucunz. Cujyau gwnfap dwg aeuq dang duhhenj makcauj ndaem hojduij、dang makcauj ndaem duhdoem ndoksej、makcauj ndaem duhdoem cukbetbauj daengj.

3、Lauxbaeg. Feih manhdiemz singq liengz, gwn de ndaej siu cwk、vaq myaiz ndat、sanq lwed cwk、gej laeuj doeg、gyangq hezcij、hawj sailwed unq, ciengz gwn ndaej yawhfuengz gvanhsinhbing caeuq doenghmeg giet ndongj. Cujyau gwnfap dwg aeuq dang lauxbaeg ndokmou、dang lauxbaeg haijdai nohmou, citdamh feih ndei.

4、Cijvaiz. Feih diemz singq bingz, gwn de ndaej hawj hezyaz doek roengzdaeuj, ndaej bouj haw bouj gai, ik bwt dungx, seng raemx nyinh saej, caemhcaiq ndaej gyangq danjgucunz. Cujyau gwnfap dwg dang cijvaiz aeuq gaeq, cijvaiz heuz gyaeqgaeq gwn daengj.

5、Daeuhfouh. Feih diemz liengz, gwn de ndaej ik heiq huz ndaw, seng raemx nyinh sauj, siu ndat gyangq huj, gyangqdaemq danjgucunz. Cujyau gwnfap dwg dang daeuhfouh gyaeujbya 、dang daeuhfouh byaekheu daengj.

6、Raetdoeng roxnaeuz raet ndip. Feih diemz singq bingz, gwn de ndaej gyangq hezyaz、ik heiq dungx、gyangq hezcij、yw binghndokunq、yw lwed haw. Cujyau gwnfap dwg raetdoeng aeuq nohmou cing、dang raetndip aeuq byavanx、dang raetdoeng aeuq nyaujgaeq daengj.

7、Haijdai. Feih diemz singq caep, gwn de ndaej gyangq danjgucunz, boux baenz gvanhsinhbing ciengz gwn haijdai daih miz ndeicawq. Cujyau gwnfap dwg aeuq dang haijdai duhheu nohmou cing、suenqyungz sei haijdai daengj.