●Bineix geiqdoh daih’it, Denhdwngj Yen minzcuz mouyi giyez gunghcoz guh ndaej ndei. Aen yienh neix Gvangjsih Vazdenhbauj Yozyez Youjhan Gunghswh daengj 5 aen minzcuz mouyi giyez ndaej daigvanj 10730.2 fanh maenz, doengzbeij gyahwnj 68.55%, sinhbau banh gij daigvanj boujdiep leihsik de 77.15 fanh maenz, doengzbeij gyahwnj 1.17 boix.

(Vangz Souciz)

●Vih hawj gij vwnzva conzdungj minzcuz yaek laemz de ndaej henhhoh, bineix 1 nyied, Yungjfuz Yen heij guh le“aen giva henhoh singyaem nem dozsiengq vwnzva conz- dungj minzcuz”. Dangqnaj, aen giva neix guh ndaej swnhleih, hong diucaz gaenq guhsat, gaenq haeuj duenh ingjguh lo.

(Dangz Gingfuj)

●Daengz bineix 3 nyied, Lingzyinz Yen gaenq miz 18 aen cunh youz saujsu minzcuz comzyouq de hwnj miz laeuzvwnzva, ciemq daengx yienh gij cunh saujsu minzcuz comzyouq de 60.3％. Gij vwnzva sezsih neix hawj vunz saujsu minzcuz ndaej souh’ik.

(Veiz Vazfuz)

●Geij ngoenz gonq, Bingzgoj Yen banh 2014 nienz daih’it geiz makfeiz dajndaem guenjleix beizyinbanh, 29 boux dajndaem makfeiz daj 29 aen mbanj gungzhoj saujsu minzcuz daeuj camgya beizyin.

(Vuz Anhginh)

●4 nyied 24 hauh daengz 25 hauh, Cungzcoj Si Minz- yijveij youq Cungzcoj Si Dangjyau gawjbanh daengx si minzcuz hidungj daengxcungq ganbu beizyinbanh. Gungh miz 60 lai boux lingjdauj ganbu daj ndaw si neix 7 aen yienh(si) gak minzcuzgiz (minzyijban) daeuj de camgya le beizyin.

(Vangz Danh)