Singhgiz roek, daengngoenz ronghsagsag, gou caeuq daxmeh angqvauvau dwk bae yienhsingz guhcaemz.

Daeujdaengz yienhsingz, raeuz couh bae gvangjcangz, gwnz gvangjcangz caen nauhyied ha, miz vunz ciengqgo diuqfoux, miz vunz cuengq yiuhrumz……Daxmeh cawx bingz raemxbop ndeu hawj gou, gou menhmenh boq hwnjdaeuj. Cijraen aen bop hung bop iq couh doxciengj caenx okdaeuj, gij saek aen bop vava loegloeg, ndeiyawj raicaix! Gyoengqde mizmbangj lumj naed caw ndongqmyubmyab, mizmbangj lumj makit, aen dem aen nem baenz roix, aen bop mbin ha mbin, mizmbangj mbin daengz gwnzdieg, mizmbangj mbin hamj nyefaex, mizmbangj mbin coh daxmeh, daxmeh riu lo, gou hix riu lo......

Gyoengqdou ngoenz- neix guh’angq caen vaiq- vued ha.

（指导老师：黄华明）