Doiq boux baenz dungx biux naeuh daeuj gangj, bingzseiz ngoenznaengz cijaeu haeujsim hableix gwnndoet, doenggvaq gwnndoet naengz cugbouh gaijndei dungx biux naeuh binghyiengh, mbouj wnggai doenggvaq gwn yw daeuj siucawz biux naeuh. Boux baenz dungx biux naeuh wng lai gwn di haeuxcuk、gienghduh、daeuhfouh、gyaeqgaeq、cijvaiz daengj gijgwn hamz danbwzciz、veizswnghsu lai youh yungzheih siuvaq ndeu; caemh ndaej senj gwn mak byaek yungzheih siuvaq、raeujremh、hamz nyinzsei siuj ndeu, lumj sienggyauh、makbingzgoj、makgam、rangz、byaekyouzcai、byaekhau、lauxbaeg daengj, doengh gijgwn neix ndaej mizyauq dwk coicaenh biux naeuh biujmienh hobndei, caeux di coih ndei giz cujciz deng sieng; aeu siuj gwn gijgwn manhget、gig dungxsaej、 caepliengz、nyaq lai, lumj yinjliu gyoet、laeujbizciuj gyoet、coeng ndip、hing ndip、gyaeujsuenq、lwgmanh、dangnoh、raemxmak gwd、gahfeih、laeujget、caz gwd daengj, gijgwn neix rox gig aendungx, coi raemxdungx iemqok, gyanaek fudanh aendungx, bingh dungx biux naeuh engq haeujnaek yinxfat baenz insep.