Gyak dwg cungj bingh ciengz raen ndeu, ciengzseiz fanfoek fat- bingh, gig nyapnyuk. Yw gyak dwg cungj hong ciengzgeiz ndeu, baihlaj gaisau sam cungj banhfap yw gyak:

1、Raemx byaekgep cimq din. Aeu gaem byaekgep ndeu, dwk roengz raemxgoenj bae coemh hai oemq 6 faen cung. Ngoenznaengz cimq din byongh diemj cung baedauq, laeb- daeb cimq 7 ngoenz couh ndei.

2、Raemx vaceu cimq din. Aeu 10 naed vaceu dwk roengz bat bae, dwk raemxgoenj cimq de. Caj raemx loq liengz naengz dwk ndaej din roengz cimq seiz cuengq song cik din roengzbae cimq. Moix aen singhgiz guh baez ndeu, laebdaeb cimq geij aen singhgiz couh raen ndei. Boux din ok hanh hix ndaej yungh aen fap neix daeuj ceihyw.

3、Mbaw goliux cimq din. Aeu 250 gwz mbaw goliux heu ma cuengq ndaw bat, ndingq 1 goenggaen raemxgoenj cimq, aeu gaen hung goemq bak bat oemq 3 daengz 4 faen cung, caj raemxndat doek daengz 40 doh seiz cimq din swiq 10 daengz 15 faen cung, 2 daengz 3 ngoenz swiq baez ndeu, itbuen swiq song aen singhgiz baedauq couh raen miz yaugoj.