Gou miz boux doengz- hag ndeu heuh guh Linz Meimei, doiq lwgda de gig hung, yaepmyab yaepmyab, gwnz faj naj luenzlulu haenx ciengzciengz venj miz song aen ulaeuj, dwggyaez raix- caix.

De dwg boux cujcangj gig saeqsim ndeu, bouxlawz sij cih soq loek roxnaeuz suenq diuz daez loek, de cungj “vat” ndaej okdaeuj, lij lumj boux lauxsae iq ityiengh son mwngz baenzlawz gaijsij giz loek, mbouj lumj miz- mbangj cujcangj iq, “ndongq da he laep da he”, siengj leix couh leix, mbouj siengj leix couh mbouj leix, gangj de dwg boux cujcangj iq saeqsim, mbouj gangj loek ba!

De mboujdanh dwg boux cujcangj iq saeqsim, lij dwg dahsau gyaez caeuq bouxwnq faen gwn dem. Geiqndaej miz baez ndeu, de daiq geij aen makleiz daeuj hagdangz, gig saenzmaed dwk cam gou:“Canhnih, mwngz caicai gou daiq gijmaz doxgaiq daeuj, de hoengzfwdfwd, luenzlulu, diemzsisi, cai ndaej doiq hawj mwngz.”

Gou siengj yaep he naeuz:“Dwg mak bingzgoj ba？”Da nyaenj bak riu naeuz:“Yu, siengj gwn lai, mwngz lij dwg haenqrengz caiq caicai ba.” Gou caj mbouj ndaej naeuz:“Aeya, mwngz couh vaiq di gangj ba.” De riuhaha dwk naeuz:“Mwngz uk lai lo, aeu aen ndaeng nyaeuqnyaeuq ba.”De daj ndaw daehsaw gaem song aen makleiz henjrwgrwg okdaeuj, yienh aen he hawj gou, dou itheij gwn mak, mizfeih cubcub, haisim lai lo.

Mwngz naeuz cungj doengzhag neix cig mbouj cig ndaej haenh ne?

（指导老师：覃珍团）