Ohswnj dwg cungj byaek hab seizcin gwn ndawde cungj ndeu. De hamz miz veizswnghsu、gai、meij、nyinzsei gijgwn daengj cwngzfwn. Yizbwnj yenzgiu ndaej rox, ndaw ohswnj mbangj doxgaiq ndaej dingj seizcin aenvih gominj yinxfat baenz ndaeng haenz. De ndaej dawz daeuj guh byaekliengzban roxnaeuz cauj gwn, lij ndaej gyagoeng baenz byaekiep ciengq、byaekcimq daengj dem.

Byaekgep ndaej daezsang rengz dingj bingh vunzraeuz. Ngamq haeuj seizcin gwn ceiq ndei. De hamz miz nyinzsei gijgwn, ndaej coi conghsaej noddoengh, mizyauq dwk yawhfuengz haexgaz caeuq saejlaux baenz aiz, vunz haenh de guh “byaek swiq saej”. Boux bingzseiz din fwngz gyoet mboujfuengz lai gwn di byaekgep ndeu. Gwn byaekgep fuengfap gig lai, ndaej cauj gyaeqgaeq roxnaeuz cauj nohcing gwn. Danhseih boux baenz bak linx hwnj baez、boux conghhoz in dot caeuq boux daep huj hoenghvuengh ceiq ndei noix gwn di.